शेयर गर्नुहोस:
फन्ट परिवर्तन गर्नुहोस:
अ
अ
अ
काठमाण्डौं: भारतको पश्चिम राज्य राजस्थानमा सवारी दुर्घटना हुँदा १२ जनाको मृत्यु भएको छ ।
यात्रुहरु बोकी भारतको दक्षिण पश्चिमी राज्य महाराष्ट्रको लातूर जिल्लाबाट उत्तरी राज्य हरियाणाको हिसारमा रहेको धार्मिक स्थलतर्फ गईरहेको बस शनिबार बिहान दुर्घटना हुँदा १ बालक, ५ महिलासहित १२ जनाको मृत्यु हुनुको साथै १० जना घाइते भएको स्थानीय प्रहरीले जनाएको छ ।
नागौर जिल्लाको कुचामन शहरको राजस्वको नागुरस्थित किशनगढ ज्बल हनुमानगढ़ राजमार्गमा चालकले बस नियन्त्रण गर्न नसकेपछी उक्त दुर्घटना भएको भारतिय प्रहरी स्रोतले संचार माध्यमहरुलाई बताएको हो ।
घाईते मध्ये ४ जनालाई स्थानीय अस्पतालमा भर्ना गरिएको छ भने अन्य ६ जना गम्भीर घाइतेलाई राज्यको राजधानी जयपुरको सुपर स्पेशलिटी अस्पताल लगिएको भारतिय संचार माध्यमहरुले जानकारी दिएका छन् ।
