काठमाडौः सर्वोच्च अदालतले बैंकिङ कसुर मुद्दामा बैक अफ काठमाण्डूका पूर्व प्रमुख कार्यकारी अधिकृत सहित एक जना पूर्वकर्मचारीलाई एक करोड रुपैयाँ धरौटीमा छाड्ने आदेश दिएको छ ।
सर्वोच्च अदालतका न्यायाधीशद्धय सपना प्रधान मल्ल र कुमार रेग्मीको संयुक्त इजलासले बैक अफ काठमाण्डूका पूर्व प्रमुख कार्यकारी अधिकृत अजय श्रेष्ठ सहित एक पूर्वकर्मचारी किरणकुमार बोहरालाई दुई करोड धरौटीमा छोड्न आइतबार आदेश गरेको हो ।
बैंकिङ कसुर मुद्दामा उच्च अदालत पाटनले थुनामा पठाउने आदेश दिएको थियो । उनीहरु ऋण दिने क्रममा नक्कली धितोमा कीर्ते गरेको अभियोगमा पक्राउ परेका थिए ।
उच्च अदालतको आदेश विरुद्ध श्रेष्ठ र बोहोराले थुना बाहिरै बसेर मुद्दाको प्रक्रिया अगाडि बढाउन माग गर्दै सर्वोच्चमा निवेदन दर्ता गरेका थिए ।
मुद्दा पुर्पक्ष गर्न थुनामा राख्ने आदेश बदर मागअनुसार सर्वोच्चले धरौटीमा छाड्न आदेश गरेको हो ।
