काठमाण्डौ: नेपाल दूरसञ्चार प्राधिकरणले मोबाइल सिम प्रयोग सम्बन्धमा अत्यन्त जरुरी सूचना जारि गरेको छ ।
नेपाल सरकारले विद्युत प्रविधि मार्फत जनतालाई सरकारी सेवा प्रवाह गर्ने उद्देश्यले नागरिक एप्स (Citizen Apps) तयार गरी लागू गर्न गइरहेको उक्त सुचनामा बताईएको छ ।
उपभोक्ताहरूले प्रयोग गर्ने मोबाइल नम्बरलाई नागरिकको पहिचानको माध्यम बनाउँदा सहज र सरल समेत हुने भएकाले उपभोक्ताको मोबाइल नम्बर नै सरकारी नागरिक एप्स (Citizen Apps) सँग लिंक गराउने उद्देश्य रहेको उल्लेख गरिएको छ।
यसका लागि सम्पूर्ण उपभोक्ताहरूले आफ्नो नाममा दर्ता भएको सिम मात्र प्रयोग गर्ने र यदि अन्य कसैको नामको सिम प्रयोग गर्नुभएको भए आफ्नो नाममा रजिष्ट्रेसन गरेर मात्र प्रयोग गर्नुहुन सम्बन्धित सबैको जानकारीका लागि सूचना प्रकाशित गरिएको छ।
यो समाचार आजको जनआस्था साप्ताहिकमा प्रकाशित छ।
