काठमाडौं: टीभीएस मोटर्सले अपाचे आरटीआर १६० फोर भी र अपाचे आरटीआर २०० फोर भी सार्वजनिक गरेको छ ।
कम्पनीले भारतीय नयाँ प्रदुषण मापदण्ड बीएस ६ इन्जिनमा अनुसार टीभीएस मोटरले बजारमा ल्याएको दुबै मोटरसाइकलमा आरटी–एफआई इन्जिन राखिएको छ ।
रेस इन्स्पेरेशन ग्राफिक्स र फुल एलइडी हेडल्याम्पको विशेषताले पहिलेको तुलनामा थप आकर्षक बनाएको छ ।
मोटरसाईकलमा रहेको रेस टिउन्ड फियुल इन्जेक्सन प्रविधिले रफ्तार मनपराउने चालकलाई नयाँ ड्राइभिङ एक्सपिरियन्स प्रदान गर्ने कम्पनीले जनाएको छ ।
माइलेज दिने र प्रदुषण कम गर्ने यस मोटरसाईकलमा बिस्तारै चलाउन मन पराउने राइडरहरुको लागी सहरी इलाकामा चलाउन ड्राइभिङ मोड (ग्लाइड थ्रुआउट ट्राफिक क्यापावीलीटी) दिइएको छ ।

५ स्पीड गियरबक्स भएको टीभीएस अपाचे आरटीआर २०० फोर भीमा १९७.७५ सीसी क्षमताको सिंगल सिलिण्डर, फोर स्टोक, फोर भल्व, आयल कुल्ड इन्जिन जडित यो मोटरसाईकलमा दिइएको उक्त इन्जिनले ८५०० आरपीएममा २०.५ पीएस पावर र ७५०० आरपीएममा १६.८ एनएम टर्क प्रदान गर्दछ
टीभीएस अपाचे आरटीआर २०० फोर भीमा स्मार्ट एक्सकनेक्ट व्ल्यूटुथ टेक्नोलोजी, डियुल च्यानल एबीएस, स्लीपर क्लच, रेडियल टायर जस्ता विशेषता पाउन सकिने कम्पनिले जनाएको छ ।
त्यस्तै अपाचे आरटीआर १६० फोर भीमा १५९.७ सीसी क्षमताको सिंगल सिलिण्डर, फोर स्टोक, फोर भल्व, आयल कुल्ड इन्जिन भएको यस मोटरसाईकलले ८२५० आरपीएममा १६.०२ पीएस पावर र ७२५० आरपीएममा १४.१२ एनएम टर्क प्रदान गर्छ ।

