काठमाडौः रोल्पाको थवाङ गाउँपालिकाको वडा नम्बर १ को उपनिर्वाचनमा नेपाल कम्युनिष्ट पार्टी (नेकपा) का उम्मेदवार विजयी भएका छन् ।
शनिबार भएको उपनिर्वाचनमा सत्तारूढ नेपाल कम्युनिष्ट पार्टी (नेकपा) जनकबहादुर बुढामगर वडाध्यक्षमा विजयी भएका हुन् । शान्तिपूर्ण रुपमा सम्पन्न भएको वडाअध्यक्ष पदका लागि भएको मतदानमा २ सय ९ जनाले मात्रै मतदान गरेका हुन् ।
सो वडामा १ हजार २ सय ८८ मतदाता रहेका छन् । कुल खसेको मतमध्य बुढामगरले १७४ मत ल्याएर विजयी भएका हुन् । निकटतम प्रतिद्वन्द्धी नेपाली काँग्रेसका कमलबहादुर रोका मगरलाई हराएका हुन् ।
काँग्रेसका उम्मेदवार मगरले जम्मा २६ मत ल्याएको प्रमुख निर्वाचन अधिकृत रमेश ज्ञवालीले जानकारी दिएका छ्न् । यो कुल मतादाताको १६.४ प्रतिशत मात्र हो ।
वडाध्यक्ष फर्कवहादुर बुढाको २०७६ आषाढ ६ गते मस्तिष्कघातका कारण मृत्यु भएपछि वडाअध्यक्ष पद रिक्त सो स्थानमा शनिवार उपनिर्वाचन भएको हो ।
