काठमाण्डौ: शनिवार सम्पन्न भएको उपचुनावको नतिजा आउने क्रम शुरू भएको छ ।
यसैक्रममा कञ्चनपुरको पुनर्वास नगरपालिका-३ वडाध्यक्षमा सत्तारूढ नेपाल कम्युनिष्ट पार्टी (नेकपा)का उम्मेद्वार विजयी भएका छन् ।
वडाअध्यक्षमा नेकपाका उम्मेदवार कृष्णबहादुर तामाङ ५२८ मत ल्याएर बिजयी भएका हुन् ।
प्रतिद्धन्दी नेपाली काँग्रेसका उम्मेद्वार दीपबहादुर तामाङले ३१० मत प्राप्त गरेको मुख्य निर्वाचन अधिकृत गोपालप्रसाद बास्तोलाले जानकारी दिए ।
उक्त वडामा कुल १ हजार १ सय २९ मतदातामध्ये ९२४ मत मात्र खसेको थियो । जसमा ४ मत बदर भएको थियो ।
