काठमाण्डौः कास्की निर्वाचन क्षेत्र नम्बर २ को प्रतिनिधिसभा सदस्य उपनिर्वाचनमा सत्तारूढ नेकपाकी उम्मेदवार विद्या भट्टराई (अधिकारी) विजयी भएकी छन् ।
भट्टराईले नेपाली काँग्रेसका उम्मेदवार खेमराज पौडेललाई ८ हजार ४ सय ३ मतको फराकिलो अन्तरले पराजित गरेकी हुन् । नेकपा उम्मेदवार भट्टराईले २४ हजार ३ सय ९४ मत प्राप्त गर्दा पौडेलले १५ हजार ९ सय ९१ मत प्राप्त गरेका थिए ।
भट्टराई विजयी भए लगत्तै काँग्रेस उम्मेदवार पौडेलले मतदातालाई धन्यवाद दिएका थिए भने नेकपा बिजयी बनेकी भट्टराईलाई खादा ओढाएर सम्मान गरेका थिए ।
यसैगरी सत्तारूढ समाजवादी पार्टीकाका उम्मेदवार धर्मराज गुरुङले १ हजार ९ सय २२ मत प्राप्त गरेका थिए । राष्ट्रिय प्रजातन्त्र पार्टीका रोमबहादुर भण्डारीले १ हजार १ सय ५३, साझा पार्टीकी रजनी केसीले ९ सय ४२ मत प्राप्त गरेकी थिइन् ।
