काठमाण्डौ: पेन्सन सुधारको विरोधमा फ्रान्सको देशभर जनजीवन प्रभावित भएको छ ।
त्यहाँस्थित स्कुल, सरकारी कार्यालयको काम प्रभावित भएको छ भने यातायात सेवापनि ठप्प रहेको छ ।
प्रहरीले हालसम्म राजधानी पेरिसमा ८७ जनालाई हिरासतमा लिइएको र अन्य धेरै ठाउँमा प्रहरी र प्रदर्शनकारीबीच झडप भएको अन्तर्राष्ट्रिय समाचार माध्यमहरुले जनाएका छ्न् ।
फ्रान्सका कामकाजी वर्ग पेन्सन योजनामा प्रस्तावित सुधारबाट रुष्ट छन् । नयाँ प्रस्तावमा अवकासको उमेर बढाउने प्रस्ताव छ । तोकिएको समय भन्दा अगावै अवकास हुनेले कम रकम पाउने ब्यवस्था छ ।
सो विरोधमा शिक्षक, यातायातका कर्मचारीसँगसँगै प्रहरी, वकिल, अस्पतालका कर्मचारी, हवाई अड्डाका कर्मचारी र अन्य कामकाजी मानिसहरु सहभागी रहेका छ्न् ।
फ्रान्सका राष्ट्रपति इम्यानुयल म्याक्रोले एक ‘युनिभर्सल प्वाइन्ट बेस्ड पेन्सन प्रणाली’ शुरु गर्न चाहान्छन् ।
तर उनको उद्देश्य फ्रान्सको मौजुदा पेन्सन स्किम लागू गर्ने हो । फ्रान्समा निजी र सार्वजनिक क्षेत्रका कर्मचारीका लागि ४२ अलग-अलग पेन्सन स्किम लागु छ । अवकासको उमेर हद र उनीहरुले पाउने सेवा सुविधा फरक-फरक छ ।
