काठमाण्डौः नेपाली काँग्रेसका सभापति शेरबाहादुर देउवाले भातृसंगठन लगायतका रिक्त विभागमा नेतृत्व चयनकालागी पार्टभित्र सहमती जुटाउने प्रयास शुरु गरेका छन् ।
केन्द्रीय समितिको बैठक बस्नु अघिल्लो दिन सभापति देउवा निवाश बुढानिलकण्ठमा पार्टीका शिर्ष नेताहरुको अनौपचारिक बैठक शुरु गरेका हुन्।
पछिको सबैभन्दा शक्तिशाली भातृ संगठन नेविसंघको अध्यक्ष कसलाई बनाउँदा उपर्युक्त हुन्छ तथा तरुण दल तथा प्रेस युनियनको म्याद थप तथा आगामी नयाँ नेतृत्वको लागी महाधिवेशनको मिति तय गर्ने बिषयमा शिर्ष तहमा सहमति जुटाउन अनौपचारीक छलफल शुरु गरेको पार्टी प्रवक्ता विश्वप्रकाश शर्माले जानकारी दिए ।
सभापति देउवाले विगठित नेपाल विद्यार्थी संघको राष्ट्रिय अधिवेशनका लागि एक बर्षको समयसीमा दिँदै संयोजकका लागि राजीव ढुंगानाको नाम अगाडि सार्ने योजनामा रहेका छन् ।
यो सँगै राजिवको नेविसंघ अध्यक्ष हुने पक्कापक्की भएको छ । नेविसंघको अध्यक्षमा प्रस्तावित ढुंगाना नेपाली कांग्रेसका उपसभापति विमलेन्द्र निधि निकटका मानिन्छन् । स्रोतको अनुसार ढुंगाना अर्का उपसभापति विजयकुमार गच्छदार निकट पनि मानिन्छन् ।
त्यसका लागि सभापति देउवाले आफनै निवाशमा नेताहरुलाई बोलाएका हुन् । बैठकमा केन्द्रीय समितिको एजेण्डाको विषयमा छलफल हुनेछ ।
बैठकमा सभापति शेर बहादुर देउवा, उपसभापती बिमलेन्द्र निधि, प्रबक्ता बिश्वप्रकाश शर्मा, गोपालमान श्रेष्ठ, डा. प्रकाश शरण महत, डा.रामशरण महत डेढ दर्जन शिर्ष नेताहरुको उपस्थिती रहेको छ ।
