काठमाण्डौः साढे पाँच मिनेट लामो सर्ट फिल्म ‘झुटी आमा’ हेर्नु भयो ? एकपटक हेर्नुहोस् । फिल्मको क्लाइमेक्सले तपाईंको पनि आँखा रसाउने छ । अझ आफूलाई जन्म दिने आमा गुमाएका सन्तानको आँखाबाट त पक्कै पनि आँशुका धारा बग्ने छन् ।
केही दिनअघि यूट्युबमार्फत सार्वजनिक भएको उत्तम सञ्जेलद्वारा निर्देशित सर्ट फिल्म झुटी आमा वास्तवमै छोटो छ, तर छोटो भए पनि यसले गहकिलो सन्देश दिएको छ ।
आफूलाई जन्मदिने आमा बराबर अरु कोही हुन सक्दैन भन्ने कुरालाई फिल्ममार्फत दर्शाउन खोजिएको छ ।
फिल्ममा बाल कलाकार अभय अधिकारीले गरेको अभिनय तथा उनले बोल्ने संवाद प्रभावकारी लाग्छ । यो फिल्ममा अजय अधिकारी ‘सुशिल’ तथा निलम चन्दले पनि अभिनय गरेका छन् ।
ओएसआर डिजिटलमार्फत सार्वजनिक गरिएको यो सर्ट फिल्मको कथा, पटकथा तथा संवाद पनि निर्देशक उत्तम सञ्जेलले नै तयार पारेका हुन् ।
दुर्गा पौडेलको छायांकन रहेको यो फिल्मलाई नविन घर्ती मगरले सम्पादन गरको हुन् ।
यो खबर पढेर तपाईलाई कस्तो महसुस भयो ?
तपाइको प्रतिक्रिया राख्नुहोस्