सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

बाढीपछि लयमा फर्किँदै नेपाली चलचित्र क्षेत्र

२०८३ भाद्र २२, सोमबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ । भोटेकोशी हुँदै त्रिशूली नदीमा गएको बाढीका कारण प्रभावित बनेको नेपाली चलचित्र क्षेत्र जनजीवन सामान्य बन्दै गएसँगै पुनः लयमा फर्कन थालेको छ ।

विपद्का कारण केही चलचित्रहरूले आफ्नो प्रदर्शन मिति सारे पनि केहीले प्रदर्शन र प्रचार–प्रसारलाई यथावत् राख्दै सिनेमा बजारलाई चलायमान बनाइरहेको अवस्थामा पुनः लयमा फर्की चलचित्र क्षेत्र गतिशील भएको हो ।

यसै क्रममा आइतबार नयाँ नेपाली चलचित्र ‘बेहुली’ले आफ्नो आधिकारिक ‘ट्रेलर’ सार्वजनिक गरेको छ । ‘ट्रेलर’ सार्वजनिक कार्यक्रममार्फत निर्माता अर्जुन पोखरेलले चलचित्रको कुल व्यावसायिक कमाइबाट निर्माताको हिस्सामा पर्ने रकमको पाँच प्रतिशत बाढी प्रभावितका लागि राहत स्वरूप ‘प्रधानमन्त्री दैवी प्रकोप उद्धार कोष’मा प्रदान गर्ने घोषणा गर्नुभएको छ ।

निर्माता पोखरेलले भन्नुभयो,“रसुवा–त्रिशूली नदी बाढी प्रभावितलाई केही हदसम्म राहत पुगोस् भनी ‘बेहुली’ चलचित्रको कमाइबाट निर्माताको भागमा पर्ने पाँच प्रतिशत रकम ‘प्रधानमन्त्री दैवी प्रकोप उद्धार कोष’मा प्रदान गरिने छ । हालैको अकल्पनीय बाढीपछि लयमा फर्कन लागेको चलचित्र क्षेत्रलाई अझ चलायमान र गतिशील बनाउने अभियानमा सम्बद्ध सबै क्षेत्रबाट साथ सहयोग प्राप्त हुने विश्वास लिएको छु ।”

अन्तर्राष्ट्रिय मञ्चमा विभिन्न प्रतिष्ठित पुरस्कार जितेर नेपालको नाम विश्वस्तरमा उच्च बनाउन सफल चलचित्र ‘तिनीहरू: एलिफेन्ट्स इन द फग’ गत शुक्रवारदेखि देशभरका सिनेमा हलमा प्रदर्शन भइरहेको छ । कान्स फिल्म फेस्टिभलको ‘अन सर्टेन रिगार्ड’ विधामा ‘जुरी प्राइज’ जित्न सफल यो चलचित्रले प्रतिकूल मौसमका बाबजुद पनि बक्स अफिसमा दर्शकको निकै राम्रो साथ पाइरहेको छ । गत साउन १ गते ‘रिलिज’ भई भदौ १० गतेको बाढीपछि अहिलेसम्म निरन्तर चलिरहेको गौँथली रु २५ करोड ८६ लाख व्यापार गर्न सफल भएको छ ।

त्यस्तै, बाढीकै समयमा ‘रिलिज’ भएको अर्को नेपाली चलचित्र ‘पार्वती’लाई पनि नेपाली दर्शकले हलमा पुगेर उत्साहजनक रूपमा साथ दिइरहेका छन् भने केही विदेशी चलचित्रहरू पनि प्रदर्शनरत छन् । यतिबेला ‘बेहुली’ सँगै अन्य केही चलचित्रहरूले पनि आआफ्ना ‘ट्रेलर’ तथा गीत–सङ्गीत धमाधम सार्वजनिक गर्दै दर्शकमाझ आउने तयारी तीव्र पारेका छन् ।

यसैबीच, नेपाल चलचित्र निर्माता सङ्घका अध्यक्ष उदय सुब्बा मुलुकमा आइपर्ने प्राकृतिक विपत्तिको समयमा आफ्ना व्यावसायिक कर्मलाई पनि सँगै अगाडि बढाउनुपर्ने र सोही कर्मबाट आर्जित प्रतिफलमार्फत बाढी प्रभावितहरूलाई निरन्तर सहयोग गर्ने सामूहिक प्रतिबद्धतासहित प्रभावित क्षेत्रमा राहत वितरण गर्न चलचित्रकर्मीहरू हाल सक्रिय रहेको बताउनुहुन्छ ।

जनजीवन क्रमिक रूपमा सामान्य बन्दै गएकाले नेपाली सिनेमा हलहरूमा दर्शकको चहलपहल पुनः बढ्ने र चलचित्र उद्योगले छिट्टै पुरानै लय समात्नेमा चलचित्र सम्बद्ध सङ्घसंस्था तथा हल सञ्चालकहरू विश्वस्त देखिएका छन् । रासस

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

पोखरामा ‘आरयू फेस्ट–२०२६’को शुभारम्भ

‘रामायण’ २०२७ मा मात्रै चीन, जापान, रुस र दक्षिण कोरियामा रिलिज हुने

‘एक्सन स्टार’ जुनियर एनटीआर अब ‘हाँस्य चलचित्र’ मा देखिने

५१औँ दिनमा पनि प्रदर्शनरत ‘बाः एक योद्धा’, कमायो ३ करोड ५६ लाख

अनमोल केसी अभिनीत ‘बाटुलो जून’ आजदेखि देशभर प्रदर्शनमा

आगामी पुस २४ देखि प्रदर्शनमा आउने ‘तिलस्मी’को पोस्टर सार्वजनिक

प्रियंका चोपडाले ‘भेन्टिलेटर २’ फिल्म बनाउने

थामी भाषाको पहिलो राष्ट्रिय गीत सार्वजनिक

जनशक्ति थपेर लालपुर्जा वितरण गरिँदै

काठमाडौँ महानगरपालिकाले कात्तिक १३ देखि तीनदिने फिल्म फेस्टिभल आयोजना गर्ने

राज्यको बेवास्तामा म्युजिक भिडियो र लघुचलचित्र

नेपाली नृत्य विद्यामा पहिलो विद्यावारिधि रघुवंशीलाई