सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

प्रधानसेनापति सिग्देल र अमेरिकी कार्यवाहक राजदूत बोल्डेनबीच भेटवार्ता

२०८३ कार्तिक १२, बिहिबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ । नेपालमा विपद् पूर्वतयारी तथा प्रतिकार्य क्षमता सुदृढ बनाउन अमेरिकाले १५ करोड अमेरिकी डलरभन्दा बढी मूल्यका हेलिकप्टर, ड्रोन र उद्धार डुङ्गा उपलब्ध गराउने भएको छ ।

नेपालका लागि कार्यवाहक अमेरिकी राजदूत मेगन बोल्डिनले प्रधानसेनापति अशोकराज सिग्देलसँग सैनिक मुख्यालय जंगीअड्डामा भेटवार्ता गर्दै यसबारे जानकारी गराएकी हुन् । भेटमा विपद् पूर्वतयारी तथा प्रतिकार्यमा सहयोग अभिवृद्धि गर्ने विषयमा छलफल भएको बताइएको छ ।

राजदूत बोल्डिनले नेपाललाई उपलब्ध गराउन लागिएका हेलिकप्टर, ड्रोन र उद्धार डुङ्गाको आपूर्ति आगामी वर्षदेखि सुरु हुने जानकारी दिएकी थिइन् । यी उपकरणले विपद्का बेला खोज तथा उद्धार कार्यलाई प्रभावकारी बनाउन र प्रभावित नागरिकलाई समयमै सहयोग पुर्‍याउन महत्त्वपूर्ण भूमिका खेल्ने अपेक्षा गरिएको छ ।

अमेरिकी दूतावासका अनुसार यसअघि गत वर्षको शरद ऋतुमा अमेरिकाले नेपाललाई ३ करोड ८० लाख अमेरिकी डलर मूल्यका एम२८ स्काइट्रक विमान उपलब्ध गराएको थियो । ती विमानले विपद्का समयमा राहत सामग्री ढुवानी तथा उद्धार कार्यमा सहयोग पुर्‍याउँदै आएका छन् ।

दूतावासले अमेरिकी प्रविधि, उपकरण र विशेषज्ञताको सहयोगबाट नेपालको खोज तथा उद्धार क्षमता, घाइतेको चिकित्सकीय उद्धार र आपत्कालीन प्रतिकार्य प्रणाली थप सुदृढ हुने विश्वास व्यक्त गरेको छ ।

विपद्का समयमा नागरिकको जीवन रक्षा गर्न, प्रभावित समुदायसम्म राहत तथा उद्धार सेवा पुर्‍याउन र आपत्कालीन अवस्थाको सामना गर्ने नेपालको क्षमता अभिवृद्धि गर्न यो सहयोग उपयोगी हुने अमेरिकी पक्षको अपेक्षा छ ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

प्रहरी कर्मचारीका गुनासा सुन्न केन्द्रीय डेस्क स्थापना

नेपाली सेनाले जनताको सूचनाको हकको सम्मान गर्छः प्रवक्ता श्रेष्ठ

सहायक रथी राजेन्द्र श्रेष्ठले सम्हाले नेपाली सेनाको प्रवक्ताको जिम्मेवारी

दूरसञ्चार सेवा प्रदायकलाई जरिवाना र ब्याज मिनाहाको सुविधा

सहकारी ठगी मुद्दामा नेपाली सहित सात जनालाई कैद र जरिवाना

जब्दीघाटमा नयाँ पुल निर्माणका लागि ठेक्का सम्झौता

कानुनी व्यवस्था मिलाएर पीडितलाई राहत दिन्छौँ: सभामुख अर्याल

दक्षिण सुडानमा नेपाली शान्ति सैनिकको अन्तर्राष्ट्रिय सम्मान, १२६ जनाले पाए यूएन पदक

नेपालको ऋण मुक्तिको सङ्कल्पले महालक्ष्मी विशेष साधना

‘विपदमा संगठनको नेतृत्वदायी भूमिका राज्यको विपद् प्रतिकार्य क्षमताको महत्त्वपूर्ण आधार बनेको छ’ : नेपाली सेना

काठमाडौँ महानगरद्वारा ‘जलवायुका लागि बालबालिका’ शीर्षकमा भिडियो प्रतियोगिता

‘नमस्कार, मेरा चिनियाँ डाक्टर’ वृत्तचित्र प्रदर्शनी