सदाबहार खबरको रफ्तार ....
मंग्सिर ६, २०८३ आइतबार
November 22, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

अर्को युद्धको कल्पना नगर्न अमेरिका र इजरायललाई इरानका सर्वोच्च नेताको चेतावनी

२०८३ कार्तिक १४, शनिबार
शेयर गर्नुहोस:
फन्ट परिवर्तन गर्नुहोस: अ अ अ

तेहरान, १४ कात्तिक (रासस/एएफपी): इरानका सर्वोच्च नेता मोजतबा खामेनीले शनिबार अमेरिका र इजरायललाई फेरि युद्धमा नफर्कने चेतावनी दिनुभएको छ ।

इरानको वर्तमान् प्रशासनको आलोचक रहेका ती मुलुकहरूले सम्भावित आक्रमणको धम्की दिएपछि सर्वोच्च नेता खामेनीको वेबसाइटमा प्रकाशित लिखित वक्तव्यमा यो कुरा उल्लेख छ ।

“यदि शत्रुहरूले फेरि सैन्य वा आतङ्कवादी आक्रमण गरे भने, त्यसलाई रोक्ने समय र अवस्था इरानका सशस्त्र बल र इरानी जनताले निर्धारण गर्नेछन्,” खामेनीले दिएको वक्तव्यमा भनिएको छ ।

यो टिप्पणी खामेनी र उच्च सैन्य कमाण्डरहरूबीचको बैठकपछि भएको बताइएको छ । बैठकमा सशस्त्र बलका प्रमुख अली अब्दोल्लाही, सेना प्रमुख अमिर हातमी र क्रान्तिकारी गार्डका कमाण्डर अहमद वाहिदी सहभागी थिए ।

यो उनीहरूबीचको पहिलो (सार्वजनिक जानकारीमा आएको) पहिलो बैठक हो । सर्वोच्च नेता बनेपछि खामेनी सार्वजनिक रूपमा देखिनुभएको छैन ।
उहाँका बुबा अयातुल्ला अली खामेनीलाई मध्यपूर्वी युद्धको सुरुवातमा फेब्रुअरीमा अमेरिका–इजरायली आक्रमणमा मारिएको थियो ।

वक्तव्यअनुसार खामेनीले कमाण्डरहरूलाई ‘कुनै पनि स्तर वा प्रकारको धम्कीलाई तत्काल, प्रभावकारी र भौगोलिक रूपमा असीमित प्रतिक्रिया दिनुपर्छ’ भनेर आदेश दिनुभएको छ । उहाँले अमेरिकी र यहुदी शत्रुका सबै प्रकारका मूर्त र अमूर्त सम्पत्तिहरूलाई लक्ष्य सूचीमा अद्यावधिक गर्न पनि आदेश दिनुभयो ।

सर्वोच्च नेताको यो वक्तव्य आउँदा युद्ध पुनः सुरु हुन नदिन नयाँ कूटनीतिक प्रयासहरू भइरहेका छन् । युद्ध फेब्रुअरी २८ मा अमेरिका–इजरायली आक्रमणबाट सुरु भएको थियो, जसको जवाफमा इरानले क्षेत्रका देशहरूमा आक्रमण गरेको थियो । शुक्रबार कतारको प्रतिनिधिमण्डल तेहरान आएर इरानी अधिकारीहरूसँग वार्ता गरेको छ । इरानले अमेरिकी उपराष्ट्रपति जेडी भान्सको पत्र पाएको बताइएको छ, तर इरानी मिडिया अनुसार तेहरानले अहिलेसम्म जवाफ दिएको छैन ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

भारतको मणिपुरमा विषाक्त मदिरा सेवनबाट मृत्यु हुनेको संख्या १६ पुग्यो, ६०० उपचाररत

अमेरिकी सेयर बजारमा १० प्रतिशत गिरावट, लगानीकर्तामा अनिश्चितता

नेटो इनोभेसन कोषमा क्यानडा आबद्ध, २५औँ सदस्य राष्ट्र बन्यो

इरानको आणविक नीतिमा परिवर्तनको पक्षमा छैनन् चीन र रुस : अराघची

यमन र आसपासका क्षेत्रमा बढ्दो सैन्य तनावप्रति राष्ट्रसंघको गहिरो चिन्ता

युरेनियम विवादले इरान–अमेरिका वार्ता ठप्प

जीवाश्म इन्धनमा विवादले जलवायु वार्ता लम्बियो

भारतमा दूषित मदिरा सेवनबाट ११ जनाको मृत्यु

हर्मुजमा पौडी खेलेर युद्धको असर उजागर

फिलिपिन्समा विमानको आपत्कालीन अवतरण, सबै सुरक्षित

इरानमाथि थप सैन्य कारबाही रोक्ने प्रस्ताव अमेरिकी सिनेटबाट अस्वीकृत

हरेदी दलसँग गठबन्धन बन्ने लिबरम्यानको विश्वास