सदाबहार खबरको रफ्तार ....
मंग्सिर ५, २०८३ शनिबार
November 21, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

चिकित्सा शिक्षा सुधारका माग बेवास्ता गरेको भन्दै डा. केसी सरकारसँग असन्तुष्ट

२०८३ कार्तिक १७, मंगलबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ । चिकित्सा शिक्षा र स्वास्थ्य क्षेत्र सुधारको माग राख्दै सत्याग्रहमा रहेका डा. गोविन्द केसीले सरकारसँग आफ्ना माग पूरा नभएसम्म आन्दोलन जारी राख्ने बताएका छन्। शिक्षा तथा खेलकुद मन्त्रालयले जारी गरेको विज्ञप्तिप्रति असन्तुष्टि जनाउँदै उनले सरकारको कार्यशैलीप्रति प्रश्न उठाएका हुन्।

आफ्नो २५औँ सत्याग्रहको छैटौँ दिन बिहीबार विज्ञप्ति जारी गर्दै डा. केसीले चिकित्सा शिक्षा र स्वास्थ्य क्षेत्रमा सुधारका लागि उठाइएका विषयलाई सरकारले गम्भीरतापूर्वक नलिएको आरोप लगाए।

न्यूनतम पूर्वाधार र मापदण्ड पूरा नगरेका संस्थालाई शैक्षिक कार्यक्रम सञ्चालनको अनुमति दिने, स्वार्थ बाझिने व्यक्तिलाई महत्वपूर्ण जिम्मेवारी दिने तथा निजी मेडिकल कलेजका सशुल्क सिट बढाएर छात्रवृत्ति कटौती गर्ने सरकारी प्रवृत्तिप्रति उनले आपत्ति जनाएका छन्।

यसअघि २०८३ साउन ११ गते सरकारसँग भएको सहमति कार्यान्वयन नभएको उल्लेख गर्दै डा. केसीले सहमतिको मर्मविपरीत निर्णय भइरहेको दाबी गरेका छन्। वार्ताबाट आश्वासन मात्रै प्राप्त हुने र कार्यान्वयन नहुने अवस्था दोहोरिन सक्ने आशंकासमेत उनले व्यक्त गरेका छन्।

चिकित्सा शिक्षा ऐन र चिकित्सा शिक्षा आयोगले विपन्न तथा सीमान्तकृत समुदायका विद्यार्थीलाई चिकित्सा शिक्षा हासिल गर्ने अवसर बढाएको उल्लेख गर्दै उनले प्राप्त उपलब्धिको संरक्षण र सुदृढीकरण गर्नुपर्नेमा जोड दिएका छन्।

‘चिकित्सा शिक्षा र स्वास्थ्य क्षेत्रको सुधार, सुशासन तथा सामाजिक न्यायका लागि उठाइएका मागहरू सम्बोधन नभएसम्म सत्याग्रहसहितको हाम्रो आन्दोलन जारी रहनेछ,’ विज्ञप्तिमा भनिएको छ।

यसैबीच, शिक्षा तथा खेलकुद मन्त्रालयले बुधबार विज्ञप्ति जारी गर्दै डा. केसीका अधिकांश माग कार्यान्वयन भइसकेको र बाँकी माग पनि प्रक्रियामा रहेको जनाएको थियो। मन्त्रालयले सत्याग्रह अन्त्य गरी संवादमा आउन उनलाई आग्रह गरेको थियो।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

स्तन क्यान्सर समयमै पहिचान भए उपचार प्रभावकारी

स्वस्थ रहन कुन उमेर समूहले कति समय सुत्नु पर्छ ? जान्नुहोस्

मनकामना धाममा सेनाको निःशुल्क स्वास्थ्य शिविर, ५०० जनाले लिए सेवा

एन्टिमाइक्रोबियल औषधिको जथाभावी प्रयोग रोक्न मन्त्री मेहताको जोड

नेपालगञ्जमा रगत अभाव

रोग लाग्नै नदिने स्वस्थ्य वातावरण आवश्यकः स्वास्थ्यमन्त्री मेहता

लुम्बिनीका १० जिल्ला कुष्ठरोगको जोखिममा

कपालमा चाया किन पर्छ ? जान्नुहोस् मुख्य कारण र बच्ने उपाय

एमबीबीएसमा १० हजार ३२१ उत्तीर्ण, दुई हजार ७४५ सिटका लागि प्रतिस्पर्धा

भरतपुर अस्पतालमा बिरामीको चाप बढ्यो

गेटा स्वास्थ्य विज्ञान विश्वविद्यालय सञ्चालनमा कुनै बहाना नगर्न आग्रह

विशेषज्ञ चिकित्सक अभावमा चौतारा अस्पतालको सेवा प्रभावित