सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

जनकपुर–अयोध्या रेलसेवाको परीक्षण

२०८३ कार्तिक २०, शुक्रबार
शेयर गर्नुहोस:
फन्ट परिवर्तन गर्नुहोस: अ अ अ

जनकपुरधाम, कात्तिक २० गते । प्रधानमन्त्री वालेन्द्र शाहको आसन्न भारत भ्रमणका सन्दर्भमा मधेश प्रदेशको राजधानी जनकपुरधामदेखि राम जन्मभूमि अयोध्यासम्म सञ्चालन हुने भनिएको रेलका लागि बिहीबार परीक्षण गरिएको छ ।

नेपाल रेलवे कम्पनीका प्रबन्ध सञ्चालक परिवेश पराजुलीका अनुसार भारतको अयोध्यादेखि धनुषाको कुर्थासम्म डब्लुडिपी ४ डी ४०४०३ नम्बरको इन्जिनसहित १७ वटा बोगी भएको भारतीय रेलबाट ट्र्याकसहित प्राविधिक पक्षको परीक्षण गरिएको हो । हाजीपुरका एरिस्टल जेनरल म्यानेजर अमरेन्द्र कुमारको नेतृत्वमा आएको ६७ जना भारतीय प्राविधिकसहितको टोलीले रेलको परीक्षण गरी रेलवे ट्र्याकसहित बाटोको अवस्था, निर्धारण गर्नुपर्ने रेलको गतिबारे जानकारी लिएको प्रबन्ध सञ्चालक पराजुलीले बताउनुभयो ।

जनकपुरधाम–अयोध्या रेल सञ्चालन गर्ने तयारी अन्तर्गत परीक्षण गरिएको रेलको गतिको अनुपात ३० किलोमिटर प्रतिघण्टाका दरमा गुडाइएको जानकारी दिँदै प्रबन्ध सञ्चालक पराजुलीले ठाउँ अनुसार रेलको गति बढाउन सकिने बताउनुभयो । उहाँले प्रधानमन्त्री शाहको आसन्न भारत भ्रमणका क्रममा दुवै देशका प्रधानमन्त्रीले संयुक्त रूपमा रेलसेवाको उद्घाटन गर्ने गरी तयारी तीव्र पारिएको जानकारी दिनुभयो । उहाँले भन्नुभयो, “प्रधानमन्त्रीको भारत भ्रमणका क्रममा रेलसेवा उद्घाटन गर्ने गरी हामी तयारीमा जुटेका छौँ । रेल कहिलेदेखि सञ्चालन हुने हो, अहिले तिथिमिति किटान भएको छैन । तीव्र तयारीकै स्वरूप आज भारतीय रेलवे कम्पनीका प्रतिनिधि तथा प्राविधिकसहितको टोलीले रेलसेवाको परीक्षण गरेको छ ।”

प्रबन्ध सञ्चालक पराजुलीले जनकपुरधाम–अयोध्या सञ्चालन हुने रेल अन्तर्गत पहिलो चरणमा साताको एकदिन बिहान जनकपुरधाम पुग्ने गरी भारतको अयोध्याबाट बेलुकाको समयमा चल्ने र सोही रेल अर्को दिन बिहान अयोध्या पुग्ने गरी जनकपुरधामबाट बेलुकाको समयमा चल्ने किसिमले तयारी भइरहेको बताउनुभयो । उहाँले कुन दिन र कुन समय भने अहिले तय नभएको बताउनुभयो । उहाँले रेलमा सामान्य बोगीका साथै वातानुकूलित बोगी र स्लिपरको व्यवस्था रहने जानकारी दिँदै रेलको भाडा कति राख्ने विषयमा छलफल भइरहेको बताउनुभयो ।

उहाँले रेल सञ्चालन भएपछि रेल सञ्चालनको अवस्था, यात्रीको चापलगायतका विषयवस्तु हेरेर पछि रेलको नियमित सञ्चालनसमेत गर्न सकिने गरी दुवै पक्षबिच छलफल भइरहेको जानकारी दिनुभयो ।

जनकपुरधाम–अयोध्या रेलसेवा सञ्चालनमा आएपछि दुई देशबिचको धार्मिक तथा सांस्कृतिक सम्बन्ध थप सुदृढ हुनुका साथै धार्मिक पर्यटन प्रवर्धनमा महत्वपूर्ण योगदान पुग्ने अपेक्षा गरिएको छ । रामायण सर्किट अन्तर्गत माता जानकीको जन्मभूमि जनकपुरधाम र भगवान् रामको जन्मभूमि अयोध्यालाई प्रत्यक्ष रेलसेवामार्फत जोडिएपछि तीर्थयात्री तथा धार्मिक पर्यटकको आवागमन थप सहज हुने विश्वास गरिएको छ ।

मधेश प्रदेशका मुख्यमन्त्री कृष्णप्रसाद यादवले जनकपुरधाम–अयोध्या रेलसेवा सञ्चालनमा आएपछि जनकपुरधाममा पर्यटन प्रवर्धनका साथै रोजगारीको सिर्जना हुने र यस क्षेत्रको आर्थिक गतिविधि चलायमान हुने धारणा राख्नुभयो ।

जनकपुरधाम उद्योग वाणिज्य सङ्घका अध्यक्ष सुरेन्द्र भण्डारीले जनकपुरधामदेखि अयोध्यासम्म रेलसेवा सञ्चालनले पर्यटन र स्थानीय आर्थिक गतिविधिमा सकारात्मक प्रभाव पार्ने बताउनुभयो । उहाँले रेलसेवा सञ्चालनमा आएपछि जनकपुरधामको होटेल, यातायात र व्यापारको कारोबारमा बढोत्तरी हुने धारणा राख्नुभयो ।

नेपालको जनकपुर–जयनगर रेलसेवाको थालनी १९९४ सालमा तत्कालीन प्रम जुद्धशमशेरको पालामा भएको थियो । सुरुमा ब्रिटिस भारत सरकारले नेपालबाट काठ र जडीबुटी ओसार्न यो रेलमार्ग सञ्चालनमा ल्याएको इतिहास छ । केही वर्षअघि अवरुद्ध भएको यो रेलसेवा पुनः सञ्चालन भई भारतको जयनगरदेखि मधेश प्रदेशको राजधानी जनकपुरधाम हुँदै महोत्तरीको बिजलपुरासम्म नियमित सञ्चालनमा रहेको छ ।गोरखापत्र दैनिकबाट

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

मलेसिया जाने श्रमिकसँग यसरी असुलियो दुई अर्ब

प्रधानमन्त्रीको भारत भ्रमण सफल बनाउन अन्तिम गृहकार्य

आरोहण प्रभावित हुँदा राजस्वबारे अन्योल

विकेन्द्रीकरण विस्तारको तयारीमा त्रिवि

एमालेको विशेष संकल्प : लोकतन्त्रको पुनर्बहालीदेखि पार्टी शुद्धीकरणसम्म

एमबीबीएसमा १० हजार ३२१ उत्तीर्ण, दुई हजार ७४५ सिटका लागि प्रतिस्पर्धा

ट्रम्प, सी र पुटिनबिच आज शिखर वार्ता हुँदै

दानबहादुरको मुद्दालाई अग्राधिकार

स्थानीय निर्वाचनसम्बन्धी एमालेको १३ बुँदे कार्ययोजना

बैंकमा पैसा थुप्रियो, मुद्दती निक्षेप घट्यो

शिक्षकको क्षमता विस्तार पढाउन जानुअघि तीन महिनाको तालिम अनिवार्य

कर तिर्नेलाई सम्मान, लगानीकर्तालाई अन्योल