सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

सरकार र डा. गोविन्द केसीबीच ६ बुँदे सहमति, २५औँ सत्याग्रह अन्त्य

२०८३ कार्तिक २१, शनिबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौं । नेपाल सरकार र अनशनरत डा. गोविन्द केसीबीच ६ बुँदे सहमति भएपछि डा. केसीले आफ्नो २५औँ सत्याग्रह अन्त्य गरेका छन्। सरकारसँग सहमति जुटेसँगै शनिबार राति त्रिवि शिक्षण अस्पतालमा डा. केसीले अनशन तोडेका हुन्।

पटक–पटक भएको छलफलपछि शिक्षा तथा खेलकुदमन्त्री सस्मित पोखरेल शनिबार राति त्रिवि शिक्षण अस्पताल पुगेर डा. केसीसँग सहमति गरेका थिए। सहमतिपछि मन्त्री पोखरेलले डा. केसीलाई जुस खुवाएर सत्याग्रह अन्त्य गराएका हुन्।

अनशन तोडिएपछि मन्त्री पोखरेलले सहमतिअनुसार सरकारले डा. केसीका माग कार्यान्वयनको प्रक्रिया अघि बढाउने बताए। उनले अब यो डा. केसीको अन्तिम अनशन हुने दाबीसमेत गरे। मन्त्री पोखरेलले भने, ‘यो डा. केसीको अन्तिम अनशन हो। उहाँसँग भएका सहमतिअनुसार कार्यान्वयन प्रक्रिया अघि बढ्छ।’

सरकार र डा. केसीबीच भएको सहमतिमा चिकित्सा शिक्षा तथा स्वास्थ्य क्षेत्रसँग सम्बन्धित विभिन्न विषय समेटिएका छन्। सहमतिका बुँदाअनुसार सम्बन्धित निकायले आवश्यक प्रक्रिया अघि बढाउने र कार्यान्वयनको अनुगमन गर्ने व्यवस्था गरिएको जनाइएको छ।

सहमति पत्रमा डा. गोविन्द केसी, शिक्षा तथा खेलकुदमन्त्री सस्मित पोखरेल, प्रधानमन्त्रीका स्वास्थ्य सल्लाहकार प्रा. डा. जगदीश अग्रवाल, सांसद पुकार बम र नेपाल मेडिकल एसोसिएसनका अध्यक्ष डा. बद्री रिजालले हस्ताक्षर गरेका छन्। सहमतिसँगै लामो समयदेखि जारी डा. केसीको २५औँ सत्याग्रह तत्कालका लागि टुंगिएको छ।

1

2

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

मनकामना धाममा सेनाको निःशुल्क स्वास्थ्य शिविर, ५०० जनाले लिए सेवा

एन्टिमाइक्रोबियल औषधिको जथाभावी प्रयोग रोक्न मन्त्री मेहताको जोड

नेपालगञ्जमा रगत अभाव

रोग लाग्नै नदिने स्वस्थ्य वातावरण आवश्यकः स्वास्थ्यमन्त्री मेहता

लुम्बिनीका १० जिल्ला कुष्ठरोगको जोखिममा

कपालमा चाया किन पर्छ ? जान्नुहोस् मुख्य कारण र बच्ने उपाय

एमबीबीएसमा १० हजार ३२१ उत्तीर्ण, दुई हजार ७४५ सिटका लागि प्रतिस्पर्धा

भरतपुर अस्पतालमा बिरामीको चाप बढ्यो

गेटा स्वास्थ्य विज्ञान विश्वविद्यालय सञ्चालनमा कुनै बहाना नगर्न आग्रह

विशेषज्ञ चिकित्सक अभावमा चौतारा अस्पतालको सेवा प्रभावित

प्रतिजैविक प्रतिरोध न्यूनीकरण गर्न साझा प्रयास आवश्यकः मन्त्री मेहता

जटिल प्रसूति समस्याकी गर्भवतीको हवाई उद्धार