सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

गोप्य तस्बिर-भिडियो सार्वजनिक गरी महिलाको चरित्र हत्या गरेको आरोपमा दुई पक्राउ

२०८३ कार्तिक २१, शनिबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ । प्रेम सम्बन्धमा रहँदा खिचिएका गोप्य तस्बिर तथा भिडियो सामाजिक सञ्जालमा सार्वजनिक गरी महिलाको चरित्र हत्या गरेको आरोपमा प्रहरीले एक जनालाई पक्राउ गरेको छ । नेपाल प्रहरीको साइबर ब्युरोले इलामको माई नगरपालिका–१ स्थायी घर भएका २९ वर्षीय विकल्प राईलाई पक्राउ गरेको हो ।

राईले एक महिलासँग प्रेम सम्बन्धमा रहँदा खिचिएका तस्बिर र भिडियोहरू सामाजिक सञ्जाल ‘टेलिग्राम’ मार्फत सार्वजनिक गरी चरित्र हत्या गरेको प्रहरीले जनाएको छ। पीडित महिलाले दिएको उजुरीका आधारमा खटिएको ब्युरोको टोलीले प्राविधिक अनुसन्धान तथा विश्लेषणपछि राईलाई कात्तिक १९ गते काठमाडौंको ठमेलस्थित पर्यटन मार्गबाट पक्राउ गरेको थियो।

त्यसैगरी, सामाजिक सञ्जाल ‘एक्स’ (पहिलेको ट्वीटर) मार्फत अश्लील भिडियो तथा तस्बिर सार्वजनिक गरिदिने धम्की दिने अर्का एक व्यक्ति पनि पक्राउ परेका छन्। सिन्धुपाल्चोकको लिसंखुपाखर गाउँपालिका–५ स्थायी घर भएका ३० वर्षीय सुजन पाण्डेलाई महिलाको चरित्र हत्या गरेको आरोपमा ब्युरोले कात्तिक १९ गते नै काठमाडौंको तारकेश्वरबाट पक्राउ गरेको हो। पाण्डेले आफूसँग अश्लील भिडियो र तस्बिर रहेको भन्दै पीडितलाई धम्काउने गरेको अनुसन्धानबाट खुलेको छ।

ब्युरोका प्रवक्ता एवं प्रहरी उपरीक्षक (एसपी) दिपक राज अवस्थीका अनुसार पक्राउ परेका दुवै जनाविरुद्ध विद्युतीय (इलेक्ट्रोनिक) कारोबार ऐन, २०६३ अन्तर्गतको कसुरमा काठमाडौं जिल्ला अदालतबाट म्याद थप गरिएको छ। अदालतले अनुसन्धानका लागि विकल्प राईलाई ५ दिन र सुजन पाण्डेलाई ४ दिनको म्याद दिएको छ र हाल यस विषयमा थप अनुसन्धान भइरहेको प्रहरीले शुक्रबार जनाएको छ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

करिब ४ सय ४३ किलो गाँजा सहित दुई जना पक्राउ

नक्कली शैक्षिक प्रमाणपत्र पेस गर्ने शिक्षकमाथि आरोपपत्र दायर

जबरजस्ती करणी गरेको अभियोगमा पक्राउ

जुवातास खेलिरहेको अवस्थामा २५ जना पक्राउ

अवैध लागूऔषध सहित विभिन्न स्थानबाट १७ जना पक्राउ

जुवाको खालबाट २५ जना पक्राउ

दुई थान भरुवा बन्दुकसहित एक जना पक्राउ

जुवातास खेलिरहेको अवस्थामा १२ जना पक्राउ

मुद्दाका फरार प्रतिवादीहरू पक्राउ

बरामद ४९ कम्प्युटर र १५५ मोबाइलको अनुसन्धान गरिँदै

त्रिभुवन विमानस्थलबाट एक किलो ८०३ ग्राम सुन बरामद

स्रोत नखुलेको नगदसहित तीन जना पक्राउ