सदाबहार खबरको रफ्तार ....
मंग्सिर ५, २०८३ शनिबार
November 21, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

एनपीएलमा आज विराटनगर–पोखरा र कर्णाली–लुम्बिनी भिड्दै

२०८३ कार्तिक २६, बिहिबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडाैं।  नेपाल प्रिमियर लिग (एनपीएल) अन्तर्गत आज कीर्तिपुरस्थित त्रिवि अन्तर्राष्ट्रिय क्रिकेट मैदानमा रोमाञ्चक प्रतिस्पर्धा हुने दुई खेल हुँदैछन्। प्रतियोगिताको लिग चरणको रोमाञ्चकता अन्तिम चरणमा पुग्दै गर्दा प्लेअफको समीकरणलाई बलियो बनाउन चारै टोलीका लागि आजको खेल अत्यन्तै निर्णायक र महत्त्वपूर्ण बन्नेछ।

हालसम्म सबै टोलीले पाँच-पाँच वटा खेलहरू पूरा गरिसकेका छन् भने लिग चरणका अन्तिम दुई-दुई खेल खेल्न बाँकी रहेको अवस्थामा आज मैदानमा उत्रने टोलीहरू स्पष्ट जितको खोजीमा हुनेछन्।

आजको दिनको पहिलो खेल दिउँसो १ बजे विराटनगर किंग्स र पोखरा एभेन्जर्सबीच हुँदैछ। जारी प्रतियोगितामा विराटनगरले हालसम्म खेलेका पाँच खेलमध्ये दुईमा जित हासिल गर्दै ४ अंकसहित अंक तालिकाको छैटौं स्थानमा आफूलाई उभ्याएको छ।

यता, पोखरा एभेन्जर्सको प्रदर्शन भने सन्तोषजनक हुन सकेको छैन। पोखराले पाँच खेलमा एउटा मात्र जित निकाल्न सफल भएको छ र मात्र २ अंक जोड्दै अंक तालिकाको पुछारमा संघर्ष गरिरहेको छ। प्लेअफको सम्भावनालाई जीवित राख्न र तालिकामा सुधार ल्याउन दुवै टोली आज आफ्नो सम्पूर्ण शक्ति लगाउन तयार छन्।

त्यस्तै, आजै साँझ ५ बजे हुने दोस्रो खेलमा कर्णाली र लुम्बिनी लायन्सबीच कडा प्रतिस्पर्धा हुनेछ। लुम्बिनी लायन्सले उत्कृष्ट प्रदर्शन गर्दै ५ खेलमा तीनवटामा शानदार जित दर्ता गरिसकेको छ भने एक खेल वर्षाका कारण रद्द हुँदा टोलीसँग ७ अंक रहेको छ र अंक तालिकाको तेस्रो स्थानमा बलियो पकड बनाएको छ।

अर्कोतर्फ, कर्णाली प्रदेशले पाँच खेलमध्ये दुईवटामा मात्र जित हात पार्न सकेको छ। ४ अंक मात्र जोड्न सफल कर्णाली अंक तालिकाको सातौं स्थानमा रहेको छ। प्लेअफमा आफ्नो स्थान सुरक्षित गर्न लुम्बिनी अग्रता कायम राख्न चाहन्छ भने कर्णाली पनि जितको लय समात्दै अंक तालिकामा माथि उक्लने दाउमा हुनेछ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

दीपेश महतले जिते विश्व पारा तेक्वान्दो च्याम्पियनसिपमा रजत पदक

‘एन्फा निलम्बन फुकुवाको प्रक्रिया अघि बढ्यो’

एक्स्ट्रिम दोस्रो झापा महिला गोल्डकप प्रतियोगिता मङ्सिर ५ गतेदेखि

मेसी बने मेजर लिग सकरका सर्वाधिक तलब पाउने खेलाडी (सुचीसहित)

एनपीएलको फाइनलमा लुम्बिनी लायन्स र सुदूरपश्चिम रोयल्स भिड्दै

दशौँ राष्ट्रिय खेलकुदका चार खेल लुम्बिनीमा, प्रतियोगिता कुर्दै बाँके र बर्दिया

एनपिएल : चितवनलाई ३  विकेटले हराउँदै सुदूरपश्चिम रोयल्स फाइनलमा

एन्फामाथिको निलम्बन र प्रतिबन्ध फुकुवा

दशौँ राष्ट्रिय खेलकुदमा एक हजार ३३७ पदकका लागि प्रतिस्पर्धा हुने

तीन वर्षपछि भारतमा हुँदै आइपिएलको खेलाडी अक्सन

आइपिएल २०२७ को अक्सन डिसेम्बर १६ मा गोवामा हुने

डेफ फुटबल च्याम्पियनसिप खेल्न नेपाली टोली दक्षिण कोरिया प्रस्थान