सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

वरिष्ठ नेत्ररोग विशेषज्ञ डा. ओमकृष्ण मल्लको निधन

२०८३ कार्तिक २७, शुक्रबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौं । वरिष्ठ नेत्ररोग विशेषज्ञ प्राध्यापक डा. ओमकृष्ण मल्ल (डा. ओके मल्ल) को निधन भएको छ। नेपाली नेत्ररोग चिकित्सा तथा चिकित्सा शिक्षाको क्षेत्रमा लामो समय योगदान पुर्‍याएका मल्लको निधनले स्वास्थ्य क्षेत्रले एक अनुभवी चिकित्सक तथा शिक्षाविद् गुमाएको छ।

डा. मल्ल नेपाल अप्थाल्मिक सोसाइटीका पूर्वअध्यक्षसमेत हुन्। उनले सन् १९९४ देखि १९९७ सम्म सोसाइटीको नेतृत्व गरेका थिए। नेपाली नेत्ररोग चिकित्सा सेवाको विकाससँगै चिकित्सा शिक्षाको क्षेत्रमा पनि उनको महत्वपूर्ण योगदान रहेको सोसाइटीले जनाएको छ।

नेत्ररोग उपचार तथा चिकित्सा शिक्षाको क्षेत्रमा पुर्‍याएको योगदानको कदरस्वरूप डा. मल्लले एसिया प्यासिफिक एकेडेमी अफ अप्थाल्मोलोजीको ‘डिस्टिङ्गुइस्ड सर्भिस अवार्ड’ प्राप्त गरेका थिए। त्यस्तै, नेपाल अप्थाल्मिक सोसाइटीले उनलाई ‘लाइफटाइम एचिभमेन्ट अवार्ड’ बाट समेत सम्मान गरेको थियो।

नेत्ररोग विशेषज्ञका रूपमा लामो समय सेवा गरेका डा. मल्लले नेपालमा नेत्ररोग चिकित्सा क्षेत्रको संस्थागत विकास र दक्ष जनशक्ति उत्पादनमा योगदान पुर्‍याएका थिए। उनको योगदानलाई नेपाली नेत्ररोग चिकित्सा क्षेत्रमा महत्वपूर्ण मानिन्छ।

डा. मल्लको निधनप्रति नेपाल अप्थाल्मिक सोसाइटीले दुःख व्यक्त गर्दै शोकसन्तप्त परिवार तथा आफन्तजनमा गहिरो समवेदना प्रकट गरेको छ। सोसाइटीले उनको निधनबाट नेपाली नेत्ररोग चिकित्सा क्षेत्रमा अपूरणीय क्षति पुगेको जनाएको छ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

मनकामना धाममा सेनाको निःशुल्क स्वास्थ्य शिविर, ५०० जनाले लिए सेवा

एन्टिमाइक्रोबियल औषधिको जथाभावी प्रयोग रोक्न मन्त्री मेहताको जोड

नेपालगञ्जमा रगत अभाव

रोग लाग्नै नदिने स्वस्थ्य वातावरण आवश्यकः स्वास्थ्यमन्त्री मेहता

लुम्बिनीका १० जिल्ला कुष्ठरोगको जोखिममा

कपालमा चाया किन पर्छ ? जान्नुहोस् मुख्य कारण र बच्ने उपाय

एमबीबीएसमा १० हजार ३२१ उत्तीर्ण, दुई हजार ७४५ सिटका लागि प्रतिस्पर्धा

भरतपुर अस्पतालमा बिरामीको चाप बढ्यो

गेटा स्वास्थ्य विज्ञान विश्वविद्यालय सञ्चालनमा कुनै बहाना नगर्न आग्रह

विशेषज्ञ चिकित्सक अभावमा चौतारा अस्पतालको सेवा प्रभावित

प्रतिजैविक प्रतिरोध न्यूनीकरण गर्न साझा प्रयास आवश्यकः मन्त्री मेहता

जटिल प्रसूति समस्याकी गर्भवतीको हवाई उद्धार