सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

एनपिएलमा पोखराको कीर्तिमानी जित, काठमाडौं गोर्खाज ५५ रनले पराजित

२०८३ कार्तिक २९, आइतबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौं । नेपाल प्रिमियर लिग (एनपीएल)मा पोखरा एभेन्जर्सले एनपीएल इतिहासकै उच्च स्कोर बनाउँदै काठमाडौं गोर्खाजमाथि ५५ रनको शानदार जित हात पारेको छ।

कुशल भुर्तेल र युवराज सिंह सम्राको आक्रामक ब्याटिङ तथा दिनेश खरेलको उत्कृष्ट बलिङ मद्दतमा पोखराले लिग चरणको आफ्नो अन्तिम खेलमा सानदार जित निकालेको हो।

टस हारेर पहिले ब्याटिङ गरेको पोखराले निर्धारित २० ओभरमा ३ विकेट गुमाएर २२४ रनको विशाल योगफल तयार गरेको थियो। यो एनपीएलको इतिहासमै हालसम्मकै उच्च स्कोर हो।

यसअघि विराटनगर किंग्सले पोखराविरुद्ध २२० रन बनाएको रेकर्ड थियो। यससँगै पोखरा एनपीएलमा एकै सिजन दुई पटक २०० भन्दा बढी रन बनाउने पहिलो टोली बनेको छ।

पोखराका लागि कुशल भुर्तेल शतक बनाउनबाट मात्र १ रनले चुक्दा उनले ५१ बलमा ८ चौका र ८ छक्काको मद्दतमा सर्वाधिक ९९ रन बनाए। त्यस्तै, अर्का ओपनर युवराज सिंह सम्राले ५५ बल खेल्दै ८ चौका र ५ छक्कासहित ८९ रनको उत्कृष्ट योगदान दिए।

तेस्रो ओभरमा अर्जुन कुमाल ५ रन बनाएर आउट भएपछि क्रिज सम्हालेका कुशल र युवराजले दोस्रो विकेटका लागि एनपीएलकै कीर्तिमानी १८६ रनको साझेदारी गरेका थिए। कप्तान चमिका करुणारत्नेले नटआउट १९ र धनन्जय लक्षणले २ रन बनाए। काठमाडौंका तर्फबाट कप्तान करण केसीले दुई र जहानदाद खानले एक विकेट लिए।

पोखराले प्रस्तुत गरेको २२५ रनको उच्च लक्ष्य पछ्याउने क्रममा काठमाडौं गोर्खाजले १९ ओभरमा सबै विकेट गुमाएर १६९ रन मात्र बनाउन सक्यो। काठमाडौंका लागि ओपनर स्मित पटेलले ३४, रासिद खानले ३१, विलियम बोसिस्टोले २६ र जहानदाद खानले २४ रन बनाए पनि टिमलाई जिताउन सकेनन्।

बलिङतर्फ पोखराका दिनेश खरेलले ४ ओभरमा १८ रन मात्र खर्चिएर ४ विकेट लिए। यस्तै, विपिन खत्रीले ३ तथा रमेश मेन्डिस, सन्नी विक र युवराज सम्राले एक–एक विकेट हात पारे।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

दशौँ राष्ट्रिय खेलकुदका चार खेल लुम्बिनीमा, प्रतियोगिता कुर्दै बाँके र बर्दिया

एनपिएल : चितवनलाई ३  विकेटले हराउँदै सुदूरपश्चिम रोयल्स फाइनलमा

एन्फामाथिको निलम्बन र प्रतिबन्ध फुकुवा

दशौँ राष्ट्रिय खेलकुदमा एक हजार ३३७ पदकका लागि प्रतिस्पर्धा हुने

तीन वर्षपछि भारतमा हुँदै आइपिएलको खेलाडी अक्सन

आइपिएल २०२७ को अक्सन डिसेम्बर १६ मा गोवामा हुने

डेफ फुटबल च्याम्पियनसिप खेल्न नेपाली टोली दक्षिण कोरिया प्रस्थान

पाकिस्तानमाथि २–१ को जितसँगै भारतलाई साफको १०औँ उपाधि

चितवन राइनोज एनपिएलको क्वालिफायरमा, काठमाण्डु गोर्खाज बाहिरियो

कास्कीले जित्यो गण्डकी ‘पीएम कप महिला’ क्रिकेटको उपाधि

‘किङ्ज कप’ राष्ट्रिय प्रतियोगिताको तयारी पूरा

सुदूरपश्चिमलाई ६ विकेटले पराजित गर्दै लुम्बिनी एनपिएलको फाइनलमा