सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

लिखित परीक्षाबिनै फास्ट ट्र्याकबाट प्राध्यापक नियुक्ति गर्दै त्रिवि

२०८३ कार्तिक ३०, सोमबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौं : त्रिभुवन विश्वविद्यालय (त्रिवि) ले अनुसन्धान र शैक्षिक उपलब्धिलाई आधार बनाएर फास्ट ट्र्याकबाट प्राध्यापक नियुक्त गर्ने प्रक्रिया अघि बढाएको छ । यस प्रक्रियामा लिखित परीक्षा हुने छैन । तर, उम्मेदवारका लागि विद्यावारिधि (पिएचडी), अनुसन्धान र शोधपत्र प्रकाशन अनिवार्य गरिएको छ ।

त्रिवि सेवा आयोगले २०८२ जेठमा प्राध्यापक, सहप्राध्यापक र उपप्राध्यापक गरी १३० पदका लागि विज्ञापन खुलाएको थियो । त्यसमध्ये १०० पदमा त्रिविको आफ्नै खर्च र ३० पदमा विश्वविद्यालय अनुदान आयोगको खर्चमा नियुक्ति गर्ने योजना छ ।

विश्वविद्यालयमा पदाधिकारी नियुक्तिमा भएको ढिलाइ र फास्ट ट्र्र्याकबाट प्राध्यापक नियुक्त गर्न लागिएको भन्दै विरोध भएपछि प्रक्रिया रोकिएको थियो । अहिले विश्वविद्यालयका पदाधिकारीले पूर्णता पाएसँगै नियुक्ति प्रक्रिया पुनः अघि बढाइएको छ ।

त्रिवि सेवा आयोगका अनुसार, यो प्रक्रिया पनि खुला प्रतिस्पर्धामै आधारित हुनेछ । आयोगका कार्यालय प्रमुख विष्णुप्रसाद अर्यालले चार जनाको नाम नियुक्तिका लागि सिफारिस भइसकेको र बाँकी उम्मेदवारको मूल्यांकन भइरहेको जानकारी दिए ।

विदेशमा कार्यरत नेपाली प्राज्ञिक तथा अनुसन्धानकर्तालाई स्वदेश फर्काएर विश्वविद्यालयको शैक्षिक गुणस्तर बढाउने उद्देश्यले यस्तो व्यवस्था गरिएको त्रिविको भनाइ छ । यस प्रक्रियामा लिखित परीक्षा नलिए पनि उम्मेदवारको शैक्षिक योग्यता, अनुसन्धान, प्रकाशित कृति र अन्तर्वार्तालाई मुख्य आधार बनाइनेछ । उम्मेदवारले पिएचडी गरेको हुनुपर्नेछ भने प्रतिष्ठित जर्नलमा अनुसन्धानमूलक लेख प्रकाशित गरेको हुनुपर्नेछ । अन्तर्वार्तामा विदेशी विषयविज्ञलाई समेत सहभागी गराइने त्रिविले जनाएको छ ।

त्रिविले ‘अनुसन्धानात्मक विशिष्टताको आधारमा खुला प्रतियोगिताद्वारा शिक्षकहरूको नियुक्तिको सिफारिस सम्बन्धी विनियम, २०८२’ मार्फत छनोटका मापदण्ड तय गरेको छ । नियुक्तिको सिफारिसका लागि कुल २०० अंक निर्धारण गरिएको छ । त्यसमा अनुसन्धान तथा कृति प्रकाशनका लागि १५०, शिक्षण अनुभवका लागि १०, शोध निर्देशनका लागि २० र अन्तर्वार्ताका लागि २० अंक छुट्याइएको छ ।

निर्धारित पूर्णांकमा प्राध्यापक पदका उम्मेदवारले कम्तीमा ७० प्रतिशत, सहप्राध्यापकले ६५ प्रतिशत र उपप्राध्यापकले ६० प्रतिशत अंक प्राप्त गर्नुपर्नेछ । तोकिएको न्यूनतम अंक नल्याउने उम्मेदवार नियुक्तिका लागि सिफारिस हुने छैनन् ।

त्रिविले यसअघि पनि परीक्षणका रूपमा फास्ट ट्र्याकबाट प्राध्यापक नियुक्त गरेको थियो । २०७३ असोजमा पहिलोपटक पाँच जना प्राध्यापक र पाँच जना सहप्राध्यापक नियुक्त गरिएको थियो । त्यसैगरी, २०७६ पुसमा पाँच जना प्राध्यापक र २६ जना सहायक प्राध्यापकलाई यही प्रक्रियाबाट नियुक्त गरिएको थियो ।

त्रिविका अधिकारीहरूका अनुसार अनुसन्धान र शैक्षिक उपलब्धिका आधारमा खुला प्रतिस्पर्धाबाट प्राध्यापक नियुक्त गर्ने अभ्यास अन्य देशका विश्वविद्यालयमा पनि छ । विदेशमा पिएचडी गरेर अनुसन्धान तथा प्राज्ञिक क्षेत्रमा काम गरिरहेका नेपालीलाई स्वदेशकै विश्वविद्यालयमा काम गर्ने अवसर दिन यो व्यवस्था ल्याइएको त्रिविको भनाइ छ ।मध्यान्ह दैनिकबाट

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

मलेसिया जाने श्रमिकसँग यसरी असुलियो दुई अर्ब

प्रधानमन्त्रीको भारत भ्रमण सफल बनाउन अन्तिम गृहकार्य

आरोहण प्रभावित हुँदा राजस्वबारे अन्योल

विकेन्द्रीकरण विस्तारको तयारीमा त्रिवि

एमालेको विशेष संकल्प : लोकतन्त्रको पुनर्बहालीदेखि पार्टी शुद्धीकरणसम्म

एमबीबीएसमा १० हजार ३२१ उत्तीर्ण, दुई हजार ७४५ सिटका लागि प्रतिस्पर्धा

ट्रम्प, सी र पुटिनबिच आज शिखर वार्ता हुँदै

दानबहादुरको मुद्दालाई अग्राधिकार

स्थानीय निर्वाचनसम्बन्धी एमालेको १३ बुँदे कार्ययोजना

बैंकमा पैसा थुप्रियो, मुद्दती निक्षेप घट्यो

शिक्षकको क्षमता विस्तार पढाउन जानुअघि तीन महिनाको तालिम अनिवार्य

कर तिर्नेलाई सम्मान, लगानीकर्तालाई अन्योल