सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

एनपीएल फाइनलमा पुग्न आज लुम्बिनी र सुदूरपश्चिम आमनेसामने हुँदै

२०८३ मंग्सिर १, मंगलबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ । नेपाल प्रिमियर लिग (एनपीएल) अन्तर्गत पहिलो क्वालिफायरमा आज लुम्बिनी लायन्स र सुदूरपश्चिम रोयल्सबीच प्रतिस्पर्धा हुँदैछ। कीर्तिपुरस्थित त्रिवि क्रिकेट मैदानमा हुने खेल अपराह्न ५ बजे सुरु हुनेछ।

लिग चरणमा शीर्ष दुई स्थानमा रहेका यी दुई टोलीबीचको प्रतिस्पर्धालाई फाइनल प्रवेशका लागि महत्वपूर्ण मानिएको छ। पहिलो क्वालिफायरको विजेता टोली सिधै फाइनलमा पुग्नेछ भने पराजित टोलीले फाइनल प्रवेशका लागि क्वालिफायर–२ खेल्ने अवसर पाउनेछ।

साविक विजेता लुम्बिनी लायन्सले लिग चरणमा सात खेल खेल्दा पाँचमा जित र एकमा हार बेहोर्दै ११ अंक जोडेर शीर्ष स्थान हासिल गरेको थियो। सुदूरपश्चिम रोयल्सले पनि पाँच खेलमा जित निकाल्दै दुई खेलमा पराजय बेहोरेको थियो। उसले १० अंकसहित लिग चरण दोस्रो स्थानमा रहेर क्वालिफायरमा स्थान बनाएको हो।

लुम्बिनी र सुदूरपश्चिमबीच यस सिजनको उद्घाटन खेलमै प्रतिस्पर्धा भएको थियो। उक्त खेलमा लुम्बिनीले सुदूरपश्चिमलाई सात विकेटले पराजित गरेको थियो। त्यसैले आजको खेलमा सुदूरपश्चिमसँग उद्घाटन खेलको हारको बदला लिँदै फाइनलमा पुग्ने अवसरसमेत हुनेछ।

हेड टु हेडमा भने दुवै टोली बराबरी अवस्थामा छन्। हालसम्म यी दुई टोलीबीच चार खेल हुँदा दुवैले समान दुई–दुई खेल जितेका छन्। यसले पनि पहिलो क्वालिफायरमा दुवै टोलीबीच कडा प्रतिस्पर्धाको अपेक्षा गरिएको छ।

पहिलो क्वालिफायर जित्ने टोलीले फाइनलमा स्थान सुरक्षित गर्नेछ। पराजित टोलीले भने दोस्रो क्वालिफायरमा अर्को अवसर पाउने भएकाले आजको खेल दुवै टोलीका लागि महत्वपूर्ण हुनेछ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

दशौँ राष्ट्रिय खेलकुदका चार खेल लुम्बिनीमा, प्रतियोगिता कुर्दै बाँके र बर्दिया

एनपिएल : चितवनलाई ३  विकेटले हराउँदै सुदूरपश्चिम रोयल्स फाइनलमा

एन्फामाथिको निलम्बन र प्रतिबन्ध फुकुवा

दशौँ राष्ट्रिय खेलकुदमा एक हजार ३३७ पदकका लागि प्रतिस्पर्धा हुने

तीन वर्षपछि भारतमा हुँदै आइपिएलको खेलाडी अक्सन

आइपिएल २०२७ को अक्सन डिसेम्बर १६ मा गोवामा हुने

डेफ फुटबल च्याम्पियनसिप खेल्न नेपाली टोली दक्षिण कोरिया प्रस्थान

पाकिस्तानमाथि २–१ को जितसँगै भारतलाई साफको १०औँ उपाधि

चितवन राइनोज एनपिएलको क्वालिफायरमा, काठमाण्डु गोर्खाज बाहिरियो

कास्कीले जित्यो गण्डकी ‘पीएम कप महिला’ क्रिकेटको उपाधि

‘किङ्ज कप’ राष्ट्रिय प्रतियोगिताको तयारी पूरा

सुदूरपश्चिमलाई ६ विकेटले पराजित गर्दै लुम्बिनी एनपिएलको फाइनलमा