सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

पाकिस्तानमाथि २–१ को जितसँगै भारतलाई साफको १०औँ उपाधि

२०८३ मंग्सिर ३, बिहिबार
शेयर गर्नुहोस:
फन्ट परिवर्तन गर्नुहोस: अ अ अ

नयाँदिल्ली । भारतले १०औँ पटक दक्षिण एसियाली फुटबल महासंघ (साफ) च्याम्पियनसिपको उपाधि जितेको छ । मंगलबार राती ढाकास्थित नेसनल स्टेडियममा भएको फाइनलमा पाकिस्तानलाई २-१ गोलले पराजित गर्दै भारतले दशौँ उपाधि जितेको हो । भारतले खेलको अन्तिम दुई मिनेट बाँकी छँदा निर्णायक गोल गर्दै उपाधि आफ्नो पक्षमा पारेको हो । पहिलो हाफमा १-० ले पछि परेको भारतले दोस्रो हाफमा उत्कृष्ट पुनरागमन गरेको थियो ।

खेलको पहिलो हाफमा पाकिस्तानले भारतमाथि दबाब बनाएको थियो । दुवै विंगबाट आक्रमण गरेको पाकिस्तानले १८औँ मिनेटमा गोल गर्ने अवसर पाएको थियो । तर, म्याकेल अब्दुल्लाको प्रहार भारतीय गोलरक्षक अर्श शेखले विफल पारिदिनुभयो । पहिलो हाफको इन्जुरी समयमा पाकिस्तानले अग्रता लियो । जुनैद शाहले दिएको लो क्रसलाई भारतीय रक्षापंक्तिले राम्रोसँग क्लियर गर्न सकेन । त्यसपछि प्राप्त बललाई अलमगीर अली खान घाजीले पेनाल्टी क्षेत्रभित्रबाट उत्कृष्ट कर्लिङ प्रहार गर्दै जाली चुमाउनुभयो । पहिलो हाफ सकिँदा पाकिस्तान १-० ले अघि थियो । दोस्रो हाफमा भारतले म्याकार्टन निक्सनलाई मैदान प्रवेश गराउँदै आक्रमणलाई तीव्रता दिएको थियो । उहाँले म्याङ्गलेन्थाङ किपगेनको स्थान लिनुभएको थियो ।

खेलको ५९औँ मिनेटमा पाकिस्तान १० खेलाडीमा सीमित भयो । जुनैद शाहले ब्रिसन फर्नान्डिसको घुँडानजिकै स्टड्सले खतरनाक ट्याकल गरेपछि रेफ्रीले भिडियो सहायक रेफ्री (भिएआर) को सहयोगमा उहाँलाई सिधै रातो कार्ड देखाएका थिए । एक खेलाडी कम भएपछि भारतले त्यसको फाइदा उठायो । ६०औँ मिनेटमा लुङडिमले दायाँतर्फबाट दिएको क्रस म्याकार्टन निक्सनलाई छोएर सुहैल अहमद भटसम्म पुगेको थियो । भटले कुनै गल्ती नगरी बललाई पोस्टको दिशा दिएपछि भारतले खेल १-१ को बराबरीमा ल्यायो ।

बराबरीपछि भारतले लगातार आक्रमण गरिरह्यो । ६७औँ मिनेटमा निखिल प्रभुको पासमा विष्णुलाई गोल गर्ने राम्रो अवसर मिलेको थियो । तर, उहाँ चिप्लिएपछि उहाँको प्रहार सिधै पाकिस्तानी गोलरक्षकको हातमा पुगेको थियो । खेल बराबरीतर्फ अघि बढिरहेका बेला ८८औँ मिनेटमा भारतले निर्णायक गोल गर्‍यो । अब्दुल रबीहले प्रहार गरेको कर्नरमा सन्दीप माण्डीले उत्कृष्ट हेडर गर्नुभयो । उहाँको प्रहार जमिनमा ठोक्किँदै गोल पोस्टभित्र छिरेपछि भारतले २-१ को अग्रता बनायो । बाँकी समयमा पाकिस्तानले बराबरी गोल फर्काउन सकेन ।

जितसँगै भारतले लगातार तेस्रोपटक साफ च्याम्पियनसिपको उपाधि जितेको छ । यसअघि भारतले सन् २०२१ र २०२३ मा पनि उपाधि जितेको थियो । प्रतियोगिताको इतिहासमा लगातार तीन संस्करण उपाधि जित्ने भारत पहिलो टोली बनेको छ । पाकिस्तान भने पहिलोपटक फाइनलमा पुगेको थियो । एजेन्सी

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

दशौँ राष्ट्रिय खेलकुदका चार खेल लुम्बिनीमा, प्रतियोगिता कुर्दै बाँके र बर्दिया

एनपिएल : चितवनलाई ३  विकेटले हराउँदै सुदूरपश्चिम रोयल्स फाइनलमा

एन्फामाथिको निलम्बन र प्रतिबन्ध फुकुवा

दशौँ राष्ट्रिय खेलकुदमा एक हजार ३३७ पदकका लागि प्रतिस्पर्धा हुने

तीन वर्षपछि भारतमा हुँदै आइपिएलको खेलाडी अक्सन

आइपिएल २०२७ को अक्सन डिसेम्बर १६ मा गोवामा हुने

डेफ फुटबल च्याम्पियनसिप खेल्न नेपाली टोली दक्षिण कोरिया प्रस्थान

चितवन राइनोज एनपिएलको क्वालिफायरमा, काठमाण्डु गोर्खाज बाहिरियो

कास्कीले जित्यो गण्डकी ‘पीएम कप महिला’ क्रिकेटको उपाधि

‘किङ्ज कप’ राष्ट्रिय प्रतियोगिताको तयारी पूरा

सुदूरपश्चिमलाई ६ विकेटले पराजित गर्दै लुम्बिनी एनपिएलको फाइनलमा

कप्तान दीपेन्द्रसिंह ऐरीको अर्धशतकमा सुदूरपश्चिमद्वारा लुम्बिनीसामु १०६ रनको लक्ष्य प्रस्तुत