सदाबहार खबरको रफ्तार ....
मंग्सिर ६, २०८३ आइतबार
November 22, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

कुशलको अर्धशतक र सन्दीपको घातक बलिङ, यूएईमाथि नेपालको शानदार जित

२०८३ मंग्सिर ६, आइतबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौं । दोहामा जारी एसिया कप राइजिङ स्टार्स क्रिकेट प्रतियोगितामा नेपालले संयुक्त अरब इमिरेट्स (यूएई) माथि ६ विकेटको शानदार जित निकालेको छ। बलिङमा कप्तान सन्दीप लामिछाने र कुशल भुर्तेल चम्किएपछि नेपालले यूएईले दिएको १२२ रनको लक्ष्य २२ ओभरमै चार विकेट गुमाएर पूरा गरेको हो।

टस हारेर पहिले ब्याटिङ गरेको यूएईले निर्धारित ओभरमा सबै विकेट गुमाउँदै १२१ रन बनाएको थियो। यूएईका लागि मोहम्मद साहदादले सर्वाधिक ४० रन बनाए। उनले ७० बलको सामना गरेका थिए। त्यस्तै हरप्रित सिंहले ४८ बलमा ३२ रन तथा नरुल्लाह अयोयबीले २४ बलमा १२ रन जोडे। यूएईका अन्य ब्याटरले दोहोरो अंकमा रन बनाउन सकेनन्।

नेपालका कप्तान सन्दीप लामिछानेले उत्कृष्ट बलिङ गर्दै १० ओभरमा तीन मेडन राखेर मात्र ११ रन खर्चिए र तीन विकेट लिए। कुशल भुर्तेलले पनि पाँच ओभरमा दुई मेडनसहित १५ रन खर्चिएर तीन विकेट लिए। उनीहरूको प्रभावशाली बलिङका कारण यूएई ठूलो योगफल बनाउनबाट रोकिएको थियो।

नेपालका लागि नन्दन यादव, रसिद खान र ललित राजवंशीले समान एक–एक विकेट लिए। ललितले आफ्नो बलिङमा एक मेडन ओभरसमेत राखे।

१२२ रनको सामान्य लक्ष्य पछ्याएको नेपालले सुरुदेखि नै संयमित ब्याटिङ गर्‍यो। ओपनर कुशल भुर्तेलले उत्कृष्ट अर्धशतक प्रहार गर्दै नेपालको जितको आधार तयार गरे। उनले ५६ बलमा ६ चौका र एक छक्कासहित ५७ रन बनाए। भुर्तेलले ४९ बलमै आफ्नो अर्धशतक पूरा गरेका थिए।

त्यस्तै मयन यादवले २८ बलमा चार चौका र एक छक्कासहित २७ रन बनाए। बसिर अहमदले अविजित १८ रन बनाएर नेपालको जित सुनिश्चित गर्न योगदान दिए।

यूएईका मोहम्मद मोसिनले दुई विकेट लिए भने उद्दिस सुरी र अंश टन्डनले समान एक विकेट लिए। यद्यपि नेपालको ब्याटिङलाई रोक्न यूएईका बलर सफल हुन सकेनन्।

पहिलो खेलमा भारत ‘ए’ सँग ठूलो अन्तरले पराजित भएको नेपालका लागि यूएईमाथिको यो जित महत्वपूर्ण बनेको छ। सन्दीपको किफायती र प्रभावशाली बलिङ तथा कुशलको अर्धशतकसँगै नेपालले प्रतियोगितामा बलियो पुनरागमन गरेको छ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

झापा महिला गोल्डकपमा आर्मीको गोलवर्षा, भारतीय टोलीमाथि १०–० को जित

सातौँ सुदूरपश्चिम खप्तड गोल्डकप पुस २१ देखि

एसियन राइजिङ स्टार्समा युएईले नेपाललाई दियो १२२ रनको लक्ष्य

एसिया कप राइजिङ स्टार : यूएईसँग आज नेपालले दोस्रो खेल खेल्दै

दसौँ राष्ट्रिय खेलकुदको खेलस्थल तालिका सार्वजनिक

दसौँ राष्ट्रिय खेलकुदको तयारी अन्तिम चरणमा, ‘महाकुम्भ’को व्यग्र प्रतीक्षामा कर्णाली

एनपिएल फाइनलः सुदूरपश्चिमले टस जितेर फिल्डिङ रोज्यो

दीपेश महतले जिते विश्व पारा तेक्वान्दो च्याम्पियनसिपमा रजत पदक

‘एन्फा निलम्बन फुकुवाको प्रक्रिया अघि बढ्यो’

एक्स्ट्रिम दोस्रो झापा महिला गोल्डकप प्रतियोगिता मङ्सिर ५ गतेदेखि

मेसी बने मेजर लिग सकरका सर्वाधिक तलब पाउने खेलाडी (सुचीसहित)

एनपीएलको फाइनलमा लुम्बिनी लायन्स र सुदूरपश्चिम रोयल्स भिड्दै