काठमाण्डौः आधुनिक भान्छामा विभिन्न आधुनिक तथा सुविधाजनक अप्लायन्सहरु हुनु स्वभाविक नै हो । यसबाहेक पनि आकर्षक, सुन्दर र ईन्धन तथा तेल बचाउने किसिमका भाँडा पनि अधिकांश भान्छाहरुमा उपलब्ध हुन्छन् ।
प्रेसर कुकर, एयर फ्रायर तथा नन–स्टिक कुकवेयर जस्ता भाडाले भान्छामा खर्च हुने समय बचाउनुको साथै कम मात्रामा तेलको खपत गर्नुको साथै खाना पनि स्वादिलो बनाउँछ ।
ननस्टिक भाँडामा तेल त कम लाग्छ नै, यसका साथै त्यस्ता भाँडा सफा गर्न पनि अति नै सजिलो हुन्छ । त्यसैले मानिस ननस्टिक भाँडाको प्रयोग गर्न रुचाउँछन् । यद्यपि, यो हाम्रो स्वास्थ्यका लागि अति नै नोक्सानदायक हुन्छ । वर्षौँसम्म ननस्टिक भाँडामा खाना पकाउनाले शरीरमा टेफ्लनको मात्रा बढ्छ, जसलाई पलीटे्रटा प्लूरोएथालिन भनिन्छ ।
ठूलो आँचमा जब ननस्टिक भाँडामा खाना पकाउँछौ, तब त्यसले केमिकल इनफर्टिलिटी र मुटु सम्बन्धि समस्या बढाउँछ ।
यसका साथै अन्य विभिन्न नोक्सान हुन्छ भन्ने कुरा अमेरिकामा गरिएको एउटा सर्वेक्षणबाट पत्ता लागेको छ ।
ननस्टिक भाँडामा खाना पकाउँदा हुने समस्या
- क्यान्सरको खतरा बढाउँछ ।
- नन स्टिक भाँडामा खाना बनाउनाले शरीरमा आइरनको कमी हुन्छ ।
- कग्निटिभ डिसअर्डर हुने जोखिम हुन्छ ।
- ननस्टिक भाँडामा समावेश पीएफओका कारण थाइराइड हुने सम्भावना पनि बढ्छ ।
- प्रतिरोधक क्षमता पनि कमजोर हुन्छ ।
- मुटु सम्बन्धि समस्याको जोखिम बढ्छ ।
ननस्टिक भाँडामा खाना बनाउँदा ध्यान दिनुपर्ने कुराहरु
- ननस्टिक भाँडाको प्रयोग गर्नु १० मिनेट अगाडि त्यसमा तातो पानी भरेर राख्नु पर्छ । त्यसो गर्दा भाँडा राम्रोसंग सफा हुनुका साथै भाँडाको केमिकल पनि निस्कन्छ ।
- ननस्टिक भाँडाका लागि विशेष डाडू, पन्यू उपलब्ध हुन्छन्, सधैं त्यसैको प्रयोग गर्नु पर्छ । साधारण डाडू–पन्यूको प्रयोगले ननस्टिक भाँडाको टेफलनको पत्र निस्केर खानामा मिसिन्छ, जुन स्वास्थ्यका लागि नोक्सानदायक हुन्छ ।
- ननस्टिक भाँडालाई तुरुन्तै टिश्यू पेपरले पुछ्नु पर्छ । सधैँ प्लास्टिक अथवा नरम स्पन्जले ननस्टिक भाँडा सफा गर्नु पर्छ । ननस्टिक भाँडालाई घोटेर सफा गर्नु हुँदैन ।
- यदि ननस्टिकको पत्र निस्केको देखियो भने यस्ता भाँडा प्रयोग गर्नु हुँदैन । एजेन्सी
