सदाबहार खबरको रफ्तार ....
मंग्सिर ५, २०८३ शनिबार
November 21, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

स्तनपानको असीम महत्व

२०७६ भाद्र २, सोमबार
शेयर गर्नुहोस:
फन्ट परिवर्तन गर्नुहोस: अ अ अ

आमाको दूधमा शिशुका लागि आवश्यक सम्पूर्ण पौष्टिक तत्व हुने हुँदा स्तनपानलाई प्रोत्साहित गर्ने उद्देश्यका साथ बिहीबारदेखि विश्व स्तनपान सप्ताह सुरु भएको छ ।

‘आमाबुवाको सक्षमता स्तनपानको सफलता’ भन्ने नाराका साथ नेपालमा पनि विभिन्न कार्यक्रम गरी यो सप्ताह मनाउने गरिन्छ ।

बच्चाका लागि आमाको दूध ‘अमृत’ समान मानिन्छ । सुत्केरी हुनेबित्तिकै आउने आमाको पहेंलो बिगौती दूध निकै पोषिलो र स्वस्थकर हुन्छ ।

शिशु जन्मिएको एक घन्टाभित्र स्तनपान गराउनुपर्ने र २४ घन्टामा ८ देखि १२ पटकसम्म आमाको दूध खुवाउनुपर्ने चिकित्सकहरु बताउँछन् ।

आमाको दूधले निमोनिया, झाडापखाला, कानमा संक्रमणलगायतका रोगको जोखिम कम गर्छ ।

नेपालमा भने जन्मेको एक घन्टाभित्र शिशुलाई स्तनपान गराउनेको संख्या ५५ प्रतिशतमात्र रहेको सर्वेक्षणले जनाएको छ ।

फाइदा अनेक भएपनि स्तनपान गराउने आमाहरुको संख्या भने सन्तोषजनक छैन ।

त्यसैले सप्ताहव्यापी कार्यक्रमका साथै अन्य ठोस कार्यक्रम वर्षैभरि सन्चालन गरी स्तनपानलाई प्रोत्साहित गर्ने नीति स्वास्थ्य सेवा विभागले लिएको विभागका महानिर्देशक डा. सुशीलनाथ प्याकुरेल बताउँछन् ।

स्तनपानले शिशु र आमा दुवैको स्वास्थ्यमा फाइदा हुने भएपनि शारीरिक सुन्दरता खस्कनबाट जोगाउने भ्रममा स्तनपानबाट पुग्ने फाइदाबाट धेरै आमाहरु वञ्चित हुने गरेको चिकित्सकहरुको भनाइ छ ।

आमा स्वयंका लागि पनि स्तनपानका धेरै फाइदा रहेको प्रसूति तथा स्त्रीरोग विशेषज्ञ डा. पुण्य पौडेल बताउँछिन् ।

विश्व स्वास्थ्य संगठनले आमाको दूधको विकल्पमा प्रयोग हुने वस्तुहरुका कारण पनि आमाहरुले बच्चालाई दूध खुवाउन नखोजेको भन्दै त्यस्ता वस्तुको नियन्त्रणमा जोड दिएको छ ।

स्तनपानको विकल्पमा ‘फर्मूला’ दूधको उपयोग हुनुले बालमृत्युको जोखिम बढ्ने विभिन्न अध्ययनहरुले देखाएका छन् ।

तर पनि शारीरिक सुन्दरता जोगिने र बच्चाको वृद्धि विकास छिटो हुने भ्रमले आमाहरुको स्तनपानभन्दा बट्टाका दूधतर्फ आकर्षण बढ्दो छ ।

तर, आमा र शिशु दुवैका लागि स्तनपानको महत्व र फाइदा भने धेरै रहेको छ ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

मनकामना धाममा सेनाको निःशुल्क स्वास्थ्य शिविर, ५०० जनाले लिए सेवा

एन्टिमाइक्रोबियल औषधिको जथाभावी प्रयोग रोक्न मन्त्री मेहताको जोड

नेपालगञ्जमा रगत अभाव

रोग लाग्नै नदिने स्वस्थ्य वातावरण आवश्यकः स्वास्थ्यमन्त्री मेहता

लुम्बिनीका १० जिल्ला कुष्ठरोगको जोखिममा

कपालमा चाया किन पर्छ ? जान्नुहोस् मुख्य कारण र बच्ने उपाय

एमबीबीएसमा १० हजार ३२१ उत्तीर्ण, दुई हजार ७४५ सिटका लागि प्रतिस्पर्धा

भरतपुर अस्पतालमा बिरामीको चाप बढ्यो

गेटा स्वास्थ्य विज्ञान विश्वविद्यालय सञ्चालनमा कुनै बहाना नगर्न आग्रह

विशेषज्ञ चिकित्सक अभावमा चौतारा अस्पतालको सेवा प्रभावित

प्रतिजैविक प्रतिरोध न्यूनीकरण गर्न साझा प्रयास आवश्यकः मन्त्री मेहता

जटिल प्रसूति समस्याकी गर्भवतीको हवाई उद्धार