सदाबहार खबरको रफ्तार ....
मंग्सिर ५, २०८३ शनिबार
November 21, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

यस्ता छन् फेसबुकमा प्रोफाइल लक गर्नुका ४ फाइदा

२०८० असार २७, बुधबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौंः फेसबुकले नेपालमा पनि प्रोफाइल लक फिचर उपलब्ध गराएकाे छ । यो त्यस्तो सुविधा हो, जसलाई प्रयाेग गरेकाे अवस्थामा तपाईंले फेसबुकमा राखेका पोस्ट, स्टोरी, फोटो, रिल्स, भिडिओ वा अन्य कुनै अपडेट तपाईंसँग साथी भएका व्यक्तिले मात्र देख्न पाउँछन् । त्यस्तै तपाईंको फेसबुक प्रोफाइल वा कभर फोटो जुम गरेर हेर्न पाउने सुविधा पनि तपाईंसँग एड भएका अकाउन्टलाई मात्र हुन्छ ।

‘प्रोफाइल लक’ फिचरले तपाईंले अपलोड गरेका सबै पोस्ट बाह्य प्रोफाइलले नदेख्ने गरी हाइड गरेको हुन्छ । त्यस्तै प्रोफाइल लक गरेको अकाउन्टको प्रोफाइलको स्क्रिनशट पनि कसैले  लिन सक्दैन । त्यसैले यो फिचर प्रयोगकर्ताको गोपनीयता सुरक्षित राख्न महत्त्वपूर्ण हुने कम्पनीको विश्वास छ । समग्रमा यसका के के फाइदा छन् भन्ने विषयमा चर्चा गर्दैछाैंः

गोपनीयता सुरक्षित गर्छ

याे सुविधाले तपाईँको फेसबुक प्रोफाइल लक मात्रै नगरी व्यक्तिगत जानकारीमा अनावश्यक व्यक्तिलाई पहुँच दिनबाट राेक्छ । प्रोफाइल लक हुँदा केवल तपाईंसँग जाेडिएका साथीहरूले मात्र पूरा प्रोफाइल र पोस्टहरू हेर्न सक्छन् ।

अपरिचित र साथीको रूपमा स्वीकार (एसेप्ट) नगरेका व्यक्तिले तपाईंको प्रोफाइल फाेटाे, कभर फोटोजस्ता सीमित जानकारीमात्र देख्नेछन् । यो सुविधाले अनधिकृत व्यक्तिहरूलाई व्यक्तिगत विवरणहरू हेर्नबाट रोकेर तपाईंको गोपनीयता सुरक्षित गर्न मद्दत गर्दछ ।

पहिचान चोरी विरुद्ध सुरक्षा

फेसबुक प्रोफाइल लक गरेर तपाईंले आफ्नो पहिचान चोरीको जोखिम कम गर्न सक्नुहुन्छ । फेसबुकमा जाेडिएका  साथीहरूले मात्र तपाईंको प्रोफाइल हेर्न र तपाईंका पोष्टहरू पहुँच गर्नसक्ने हुनाले खराब नियत भएका व्यक्तिहरूलाई तपाईंको बारेमा व्यक्तिगत जानकारी सङ्कलन गर्न गाह्रो हुन्छ ।

पहिचान चोरीमा संलग्न हुने व्यक्तिहरूले प्राय सामाजिक सञ्जालका अकाउन्टहरूलाई निशाना बनाई व्यक्तिगत जानकारी सङ्कलन गर्छन् । फेसबुक प्रोफाइल लक गर्दा त्यस्ता व्यक्तिले तपाईंको जन्ममिति, सम्पर्क जानकारी, तपाईँ भएको ठाउँ, पोस्ट भएका सामग्री र अन्य विवरण पहुँच गर्न सक्दैनन् ।

नियमित रूपमा आफ्नो प्राइभेसी सेटिङहरू रिभ्यु र अपडेट गर्नुका साथै बलियो पासवर्ड प्रयोग गर्न ध्यान दिनुपर्छ । त्यस्तै शङ्कास्पद मेसेज वा फ्रेन्ड रिक्वेस्टहरूबाट सावधान रहँदा पहिचान चोरी हुनबाट जोगिन सकिन्छ ।

नचाहिने फ्रेन्ड रिक्वेस्ट कम गर्छ

प्रोफाइल लक गर्दा अनावश्यक व्यक्तिहरूले तपाईंलाई फ्रेन्ड रिक्वेस्ट पठाउन सक्दैनन् । यसले अज्ञात वा संदिग्ध अकाउन्टहरूबाट अनावश्यक रिक्वेस्टहरूको संख्या कम गर्न मद्दत गर्दछ ।

त्यस्ता फ्रेन्ड रिक्वेस्टहरू फिल्टर गरेर तपाईंले फेसबुकमा थप व्यवस्थित र सुरक्षित साथीहरूको सूची कायम राख्न सक्नुहुन्छ ।

अनावश्यक ट्यागिङ र पोष्टहरू रोक्छ

याे सुविधा प्रयाेग गरेपछि तपाईंको प्रोफाइलमा सीमित ट्यागिङ र पोस्टिङ क्षमताहरू हुनेछन् । यसको मतलब फेसबुकमा साथी नभएका व्यक्तिहरूले तपाईंको अनुमति बिना तस्विर वा पोस्टहरूमा तपाईंलाई ट्याग गर्न सक्दैनन् ।

प्रोफाइल लक फिचर उपलब्ध छ वा छैन हेर्न तलको प्रक्रिया अपनाउनुहोस्:

-सबैभन्दा पहिले फेसबुक एप खोल्नुहोस् ।

-त्यसपछि माथि दायाँपट्टि भएको प्रोफाइलको आइकनमा गई आफ्नो नाममा ट्याप गर्नुहोस् ।

-अनि, एड टु स्टोरीको बक्सको छेउमा रहेको तीन ओटा थोप्लोमा ट्याप गर्नुहोस् ।

-र, त्यहाँ  ‘लक प्रोफाइल’ को अप्सन देखिएको छ भने तपाईंले आफ्नो प्रोफाइलमा सो फिचर उपलब्ध छ भन्ने बुझ्न सक्नुहुन्छ ।

-यदि उक्त फिचर इनेबल गर्न चाहनुहुन्छ भने लक प्रोफाइल अप्सनमा ट्याप गर्नुहोस् ।

-अनि तलपट्टि रहेको ‘लक योर प्रोफाइल’ अप्सनमा ट्याप गर्नुहोस् ।

-यति गर्नुभयो भने तपाईंको प्रोफाइल लक हुन्छ । टेकपाना

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

डिजिटल सुरक्षा र साक्षरता अभिवृद्धि सरकारको प्राथमिकतामाः सञ्चारमन्त्री डा तिमिल्सिना

टेलिफोन पहुँचबाट वञ्चित हुनुपर्ने अवस्थाको चाँडै अन्त्य हुन्छः सञ्चारमन्त्री डा तिमिल्सिना

इन्टरनेट सेवा प्रदायकलाई दूरसञ्चार प्राधिकरणको निर्देशन

गोपनीयता उल्लंघनको आरोपमा फेसबुकलाई इटालीकाे ८८० मिलियन डलर जरिवाना

नेपाल टेलिकमले ३० एमबीपीएस फाइबर र मेस एपी अफरको अवधि थप्यो

विपद्पछिको सञ्चार पूर्वाधार पुनर्निर्माणमा अन्तरराष्ट्रिय सहयोग आवश्यक छ : मन्त्री तिमिल्सिना

नेपाल टेलिकमको खरिद प्रक्रियाबारे भ्रमपूर्ण समाचार नफैलाउन आग्रह

बाजुरामा इन्टरनेट र टेलिफोन सेवा अवरुद्ध

प्रेस स्वतन्त्रता अक्षुण्ण राख्दै आमसञ्चार क्षेत्रलाई व्यवस्थित बनाउनुपर्छः मन्त्री डा तिमिल्सिना

सूचना प्रविधि प्रयोगशाला

सामाजिक सञ्जालबाटै करोडौँ आम्दानी

एनटी फाइबरको प्याकेजमा ग्राहकको आकर्षण, अनलाइनबाटै सेवा लिन सकिने