काठमाडौ: सरकार र भारतीय निजी कम्पनी जिएमआरबीच भएको माथिल्लो कर्णाली जलविद्युत परियोजना खारेजीको माग गर्दै राजधानीमा प्रदर्शन भएको छ ।
नेकपा (क्रान्तिकारी माओवादी) राष्ट्रिय जनमोर्चा, नेकपा (माले) लगायतका ११ राजनितिक दल तथा सरोकारवाला विभिन्न संघ संस्थाहरूले नेपालले सरकारले नौ सय मेगावाट क्षमताको माथिल्लो कर्णाली परियोजना तत्काल खारेजीको घोषणा गर्नुपर्ने माग गरेका हुन् ।
सम्झौता खारेजीको माग गर्ने दलहरूमा नेकपा (क्रान्तिकारी माओवादी), राष्ट्रिय जनमोर्चा, नेकपा (माले), देशभक्त जनगणतान्त्रिक मोर्चा नेपाल, नेकपा (माओवादी केन्द्र), जनसमाजवादी पार्टी नेपाल, पुष्पलाल अध्ययन समाज, माथिल्लो कर्णाली बचाउँ राष्ट्रिय अभियान, राष्ट्रिय जागरण परिषद नेपाल, राष्ट्रिय पूनर्जागरण अभियान, नेपाल र राष्ट्रिय सरोकार अभियान, नेपाल रहेका छन् ।
उनीहरूले भारतीय कम्पनि जि. एम. आर.सँग भएको माथिल्लो कर्णाली परियोजना देशको हितमा नभएकोले उक्त सम्झौता राष्टघाती भन्दै मंगलबार माईतिघर मण्डलामा भेला भई बबरमहल, बिजुलीबजार, हुदै बानेश्वरमा पुगि कोणसभा समेत गरेका थिए । सभामा बोल्ने बक्ताहरूले नेपालकै लगानीमा निर्माण गर्ने गरी जीएमआरसँग गरिएको परियोजना विकास सम्झौता (पीडीए) खारेजी गर्नुपर्ने माग राखेका छन् ।
