काठमाण्डौः सरकारले चिकित्सक सुरक्षाको प्रत्याभुती दिन नसकेको भन्दै चिकित्सकहरूले सरकारलाई सेतोकोट (एप्रोन) सहित ज्ञापन पत्र बुझाएका छन् ।
सरकारले पेशागत सुरक्षा दिन नसकेको भनेर उनीहरूले स्वास्थ्य तथा जनसंख्या राज्यमन्त्री डा सुरेन्द्र यादवलाई भेटेर सेतोकोट (एप्रोन) सहित ज्ञापनपत्र बुझाएर बिरोध जनाएका हुन् ।

पटक पटक चिकित्सक माथि दुर्व्यवहार र आक्रमण भइरहँदा समेत सरकार चुप लागेर बसेको भन्दै उनीहरूले आफ्नो पेशाको महत्वपूर्ण प्रतिक सेतोकोट (एप्रोन) सरकारलाई बुझाउन बाध्य भएको उनीहरूले बताएका छन् ।
गत साता ओम अस्पतालमा प्रा.डा. भोलाराज जोशीको नेतृत्वमा पित्तथैलीमा रहेको पत्थरी शल्यक्रिया गरेर निकाल्ने क्रममा धादिङ गंगाजमुना गाउँपालिकाकी २९ बर्षिया अनिता गुरुङको मृत्यु भएको थियो ।
उक्त घटनालाई लिएर मृतकका आफन्त र युटुवरले डा. जोशीमाथि दुव्र्यवहार गरेको थियो । घटना भएको एक सातापछी विभिन्न पेशागत चिकित्सक संघ/संगठनहरूले संयुक्त विज्ञप्ती जारी गरी पेशागत सुरक्षाको माग गरेका हुन् । सोही घटनाको बिरोधमा उनीहरूले मंगलबार सरकारलाई ज्ञापनपत्र बुझाएका हुन् ।
