काठमाण्डौं: भारतको राजधानी नयाँ दिल्ली लगायतका प्रमुख शहरमा विषेश सुचनाको आधारमा जैस ए मोहम्मद समुहले गर्न सक्ने हमलाबारे सुरक्षा व्यवस्था कडा पारिएको भारतिय सञ्चार माध्यमहरूले जनाएका छन् ।
जैस ए मोहम्मद (मुस्लिम अतिवादी धार्मिक समुह) ले दिल्लीका कतिपए स्थानहरुमा घूसपैठ गरेको गुप्त सुचनाको आधारमा भारत सरकारले आन्तरिक तथा बाह्य विमानस्थल लगायतका स्थानहरुमा उच्च सुरक्षा सतर्कता अपनाई सुरक्षा निकायहरुलाई तयारी हालतमा राखेको जनाएको छ ।
यद्दपी मोहम्मदका सेना दावी गर्ने सो समुहका करीब चार जना लडाकु राजधानी छिरेको गुप्तचर निकायले जनाएको छ ।
त्यसैगरी बालाकोट भन्ने स्थानमा आतंकवादीले तालिम लिइरहेको खबरहरू स्थानीय सञ्चार माध्यम मार्फत आएको थियो ।
भारतका कतिपय स्थानहरुमा सुन्नी समुदायसँग जोडिएको जैस ए मोहम्मद समुहले पटक पटक विस्फोटक हमला गराईसकेको छ ।
अफगानिस्तान र पाकिस्तानमा सक्रिय भई तालिबान र अलकायदा निकट रहेको सो समुहको पाकिस्तान, भारत, अफगानिस्तान, युएई, बेलायत र अष्ट्रेलियासम्म सञ्जाल रहेको बताईन्छ ।
