काठमाण्डौ : भारतको पश्चिम बंगालको सीमामा बंगलादेशी फौजको आक्रमणबाट भारतीय सुरक्षाकर्मीको मृत्यु भएको छ ।
बंगलादेशी सीमा क्षेत्रमा भारतीय अर्धसैनिक सुरक्षाकर्मी माछा मार्न गएको अवस्थामा बंगलादेशी फौजको आक्रमणबाट तीन भारतीय मध्ये एकको मृत्यु भएको अन्तर्राष्ट्रिय सञ्चार माध्यमहरुले जनाएका छ्न ।
भारतीय सुरक्षाकर्मी बंगलादेशको नदी क्षेत्रमा अवैध रुपमा छिरेपछि बंगलादेशी सीमामा तैनाथ सुरक्षाकर्मीले आत्मरक्षाको लागि फायर गरि तीन भारतीयलाई नियन्त्रणमा लिएको थियो ।
घटनामा वरिष्ठ भारतीय सीमा सुरक्षा फौजका अधिकारी पुग्दा एकजना सुरक्षाकर्मी घाइते समेत भएका थिए । बंगलादेशी सुरक्षाकर्मीले विज्ञप्तिमा भारतीय फौजबाट आक्रमण भएपछि प्रतिरक्षाको लागि गोली चलाएको बताएको छ ।
पछिल्लो समय भारतको पश्चिम बंगालसँग जोडिने सीमा क्षेत्रमा अवैध रुपमा आफ्नो भूभागमा छिर्ने बंगाली आप्रवासीप्रति भारत कडा रूपमा प्रस्तुत हुँदै आएको छ ।
त्यसैगरी बंगलादेशले पनि सीमा क्षेत्रमा आफ्नो फौजलाई उच्च निगरानी गर्न राखेको अन्तर्राष्ट्रिय सञ्चार माध्यमहरुले जनाएका छ्न् ।
