सदाबहार खबरको रफ्तार ....
मंग्सिर ६, २०८३ आइतबार
November 22, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

ट्रम्पद्वारा ले पेनको प्रशंसा

२०८३ कार्तिक ४, बुधबार
शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौः अमेरिकी राष्ट्रपति डोनाल्ड ट्रम्पले फ्रान्सेली दक्षिणपन्थी नेतृ मरिन ले पेनलाई ‘रूढीवादी आवाज’ भन्दै प्रशंसा गर्नुभएको छ । तर सन् २०२७ को फ्रान्सेली राष्ट्रपति निर्वाचनमा उहाँलाई समर्थन गर्ने विषयमा भने ट्रम्पले स्पष्ट धारणा व्यक्त गर्नुभएन ।

अमेरिकामा मध्यावधि निर्वाचन नजिकिँदै गर्दा ट्रम्पले फ्रान्सको अशान्तिलाई आप्रवासन र वामपन्थी राजनीतिविरुद्ध आफ्नो धारणा राख्ने अवसरका रूपमा प्रस्तुत गर्दै आउनुभएको छ ।

ले पेनलाई समर्थन गर्नुहुन्छ कि भनेर पत्रकारले सोध्दा ट्रम्पले आफूले उहाँलाई नभेटेको बताउँदै उहाँमाथि अन्याय भएको जस्तो लागेको उल्लेख गर्नुभयो । सन् २०२५ मार्चमा भ्रष्टाचारको अभियोगमा दोषी ठहर भएकी ५८ वर्षीया ले पेनलाई सुरुमा पाँच वर्षसम्म निर्वाचनमा उम्मेदवार बन्न प्रतिबन्ध लगाइएको थियो । तर यस वर्ष पुनरावेदन अदालतको निर्णयले उहाँलाई सन् २०२७ को राष्ट्रपति निर्वाचनमा प्रतिस्पर्धा गर्ने बाटो खुलेको छ ।

आफैँले पनि अमेरिकी न्याय प्रणाली राजनीतिक उद्देश्यका लागि प्रयोग भइरहेको आरोप लगाउँदै आउनुभएका ट्रम्पले ले पेनको मुद्दालाई त्यही सन्दर्भमा जोड्नुभयो । उहाँले हालै दक्षिण अमेरिकाका निर्वाचनमा आफूले समर्थन गरेका दक्षिणपन्थी नेताहरूको सफलताको पनि उल्लेख गर्नुभयो ।

फ्रान्सको अशान्तिबारे ट्रम्पले भन्नुभयो, “त्यो सामान्य दङ्गा वा विरोध प्रदर्शन थिएन, क्रान्तिजस्तै थियो र अझै जारी छ ।” यसअघि कान्सासमा आयोजित चुनावी सभामा उहाँले फ्रान्स आप्रवासी, जिहादी र कम्युनिस्टहरूबाट कब्जा गरिएको, लुटिएको र जलाइएको आरोप लगाउनुभएको थियो ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

अमेरिकाबाट निष्कासित २५ जना आप्रवासी लाइबेरियामा

भारतको मणिपुरमा विषाक्त मदिरा सेवनबाट मृत्यु हुनेको संख्या १६ पुग्यो, ६०० उपचाररत

अमेरिकी सेयर बजारमा १० प्रतिशत गिरावट, लगानीकर्तामा अनिश्चितता

नेटो इनोभेसन कोषमा क्यानडा आबद्ध, २५औँ सदस्य राष्ट्र बन्यो

इरानको आणविक नीतिमा परिवर्तनको पक्षमा छैनन् चीन र रुस : अराघची

यमन र आसपासका क्षेत्रमा बढ्दो सैन्य तनावप्रति राष्ट्रसंघको गहिरो चिन्ता

युरेनियम विवादले इरान–अमेरिका वार्ता ठप्प

जीवाश्म इन्धनमा विवादले जलवायु वार्ता लम्बियो

भारतमा दूषित मदिरा सेवनबाट ११ जनाको मृत्यु

हर्मुजमा पौडी खेलेर युद्धको असर उजागर

फिलिपिन्समा विमानको आपत्कालीन अवतरण, सबै सुरक्षित

इरानमाथि थप सैन्य कारबाही रोक्ने प्रस्ताव अमेरिकी सिनेटबाट अस्वीकृत