सदाबहार खबरको रफ्तार ....
मंग्सिर ६, २०८३ आइतबार
November 22, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

अमेरिका–पुटिन वार्ताबारे विस्तृत जानकारीको प्रतीक्षामा ईयू

२०८३ कार्तिक ४, बुधबार
शेयर गर्नुहोस:
फन्ट परिवर्तन गर्नुहोस: अ अ अ

ब्रसेल्स,४ कात्तिक (रासस/एएफपी): युरोपेली युनियन (ईयू) ले अमेरिकी राष्ट्रपति डोनाल्ड ट्रम्पका विशेष दूत स्टिभ विटकफ र रुसी राष्ट्रपति भ्लादिमिर पुटिनबीच बुधबार भएको भेटवार्ताबारे वासिङ्टनबाट विस्तृत जानकारी पाउने अपेक्षा गरेको जनाएको छ ।

विटकफले रुसको सेन्ट पिटर्सबर्गमा पुटिनसँग भएको भेटमा युक्रेन युद्ध अन्त्य गर्न सम्भावित शान्ति सम्झौताका लागि केही ‘विचार’ प्रस्तुत गरेको बताउनुभएको छ ।

यो भेटवार्ता युक्रेनमा शान्ति स्थापनाका लागि कूटनीतिक पहल भइरहेका बेला भएको हो । यसअघि मङ्गलबार नर्वेको ओस्लोमा युक्रेनी राष्ट्रपति भोलोदिमिर जेलेन्स्की र विटकफबीच भएको बैठकमा युरोपेली युनियनका एक उच्च अधिकारी पनि सहभागी थिए ।

ईयूकी प्रवक्ता पाउला पिन्होका अनुसार, छलफलको मुख्य उद्देश्य युक्रेन र रुसलाई एउटै वार्ताको टेबलमा ल्याउन सकिने सम्भावनाबारे खोजी गर्नु थियो । त्यसका लागि त्रिपक्षीय वा बहुपक्षीय वार्ताको आधार तयार गर्न सकिन्छ कि सकिँदैन भन्ने विषयमा छलफल भएको उहाँले बताउनुभयो ।

पिन्होले मङ्गलबारको बैठकमा मुख्यतः भूभागसम्बन्धी विवाद, सुरक्षा व्यवस्था र युद्धपछि युक्रेनको समृद्धिका विषयमा छलफल भएको जानकारी दिनुभयो ।

उहाँका अनुसार, रुसी राष्ट्रपति पुटिनसँगको भेटवार्तापछि अमेरिकी प्रतिनिधिमण्डल फर्किएलगत्तै त्यसका प्रमुख निष्कर्ष र छलफलका विषयबारे विस्तृत जानकारी उपलब्ध हुने ईयूले अपेक्षा गरेको छ ।

युक्रेन युद्ध अन्त्य गर्न भइरहेका कूटनीतिक प्रयासमा अमेरिका र युरोपेली राष्ट्रहरूबीच समन्वय महत्वपूर्ण मानिएको छ । सम्भावित शान्ति सम्झौतामा भू–भाग, सुरक्षा प्रत्याभूति र युद्धपछिको पुनर्निर्माणजस्ता विषय प्रमुख चुनौतीका रूपमा रहेका छन् ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

अमेरिकाबाट निष्कासित २५ जना आप्रवासी लाइबेरियामा

भारतको मणिपुरमा विषाक्त मदिरा सेवनबाट मृत्यु हुनेको संख्या १६ पुग्यो, ६०० उपचाररत

अमेरिकी सेयर बजारमा १० प्रतिशत गिरावट, लगानीकर्तामा अनिश्चितता

नेटो इनोभेसन कोषमा क्यानडा आबद्ध, २५औँ सदस्य राष्ट्र बन्यो

इरानको आणविक नीतिमा परिवर्तनको पक्षमा छैनन् चीन र रुस : अराघची

यमन र आसपासका क्षेत्रमा बढ्दो सैन्य तनावप्रति राष्ट्रसंघको गहिरो चिन्ता

युरेनियम विवादले इरान–अमेरिका वार्ता ठप्प

जीवाश्म इन्धनमा विवादले जलवायु वार्ता लम्बियो

भारतमा दूषित मदिरा सेवनबाट ११ जनाको मृत्यु

हर्मुजमा पौडी खेलेर युद्धको असर उजागर

फिलिपिन्समा विमानको आपत्कालीन अवतरण, सबै सुरक्षित

इरानमाथि थप सैन्य कारबाही रोक्ने प्रस्ताव अमेरिकी सिनेटबाट अस्वीकृत