सदाबहार खबरको रफ्तार ....
मंग्सिर ६, २०८३ आइतबार
November 22, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

रुसका लागि जासुसी गरेको आरोपमा जर्मनीमा युक्रेनी नागरिक पक्राउ

२०८३ कार्तिक ६, शुक्रबार
शेयर गर्नुहोस:
फन्ट परिवर्तन गर्नुहोस: अ अ अ

बर्लिन, ६ कात्तिक (रासस÷एएफपी)ः जर्मनीमा रुसी गुप्तचर निकायका लागि जासुसी गरेको आरोपमा एक युक्रेनी नागरिक पक्राउ परेका छन् । जर्मनीका सङ्घीय अभियोजकका अनुसार ती व्यक्तिमाथि सैन्य दृष्टिकोणले महत्वपूर्ण सूचना सङ्कलन गरेको आरोप छ ।

‘भादिम वाई’ नामका ती व्यक्तिले बख्तरबन्द सवारीसाधन, गोलाबारुद तथा विस्फोटक पदार्थको उत्पादनसम्बन्धी विवरण र नेटोको पूर्वी मोर्चामा रहेका सैन्य संरचना तथा जनशक्तिबारे जानकारी सङ्कलन गरेको अभियोजकहरूले बताएका छन् ।

आन्तरिक गुप्तचर निकाय बीएफभीबाट प्राप्त सूचनाका आधारमा सङ्घीय आपराधिक प्रहरी कार्यालयले उनलाई बर्लिनको पूर्वमा पर्ने ब्रान्डेनबर्ग राज्यको ओडर–स्प्री जिल्लाबाट पक्राउ गरेको हो ।

अभियोजकहरूका अनुसार उनी कम्तीमा सन् २०२५ जुलाईसम्म मध्यस्थकर्तामार्फत रुसी गुप्तचर निकायको सम्पर्कमा थिए । उनले सार्वजनिक सूचनाका अतिरिक्त युरोपेली रक्षा उद्योगका व्यक्तिहरूबाट गोप्य जानकारी प्राप्त गर्ने प्रयाससमेत गरेका थिए ।

जर्मन साप्ताहिक पत्रिका ‘डेर स्पीगेल’ का अनुसार, ५३ वर्षीय ती व्यक्ति पूर्वी जर्मनीको आइजेनहुटेनस्टाडमा बस्दै आएका थिए । अनुसन्धानकर्ताहरूले उनी रुसी सैन्य गुप्तचर निकाय जीआरयू (जीआरयू) सँग आबद्ध रहेको आशङ्का गरेका छन् ।

रुसको आक्रमणविरुद्ध युक्रेनलाई सहयोग गर्ने प्रमुख राष्ट्रमध्ये जर्मनी पनि एक हो । बर्लिनले मस्कोमाथि जासुसी, तोडफोड र अन्य अवरोध सिर्जना गर्ने गतिविधि सञ्चालन गरेको आरोप लगाउँदै आएको छ । रुसले भने यस्ता आरोप अस्वीकार गर्दै आएको छ ।

जर्मन चान्सलर फ्रेडरिक मेर्जले बिहीबार गिरफ्तारीलाई सफलताको सङ्ज्ञा दिँदै जर्मनी रुसी गुप्तचर गतिविधिको निशानामा रहेकाले यस्ता घटनाका लागि तयार रहनुपर्ने बताउनुभयो ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

अमेरिकाबाट निष्कासित २५ जना आप्रवासी लाइबेरियामा

भारतको मणिपुरमा विषाक्त मदिरा सेवनबाट मृत्यु हुनेको संख्या १६ पुग्यो, ६०० उपचाररत

अमेरिकी सेयर बजारमा १० प्रतिशत गिरावट, लगानीकर्तामा अनिश्चितता

नेटो इनोभेसन कोषमा क्यानडा आबद्ध, २५औँ सदस्य राष्ट्र बन्यो

इरानको आणविक नीतिमा परिवर्तनको पक्षमा छैनन् चीन र रुस : अराघची

यमन र आसपासका क्षेत्रमा बढ्दो सैन्य तनावप्रति राष्ट्रसंघको गहिरो चिन्ता

युरेनियम विवादले इरान–अमेरिका वार्ता ठप्प

जीवाश्म इन्धनमा विवादले जलवायु वार्ता लम्बियो

भारतमा दूषित मदिरा सेवनबाट ११ जनाको मृत्यु

हर्मुजमा पौडी खेलेर युद्धको असर उजागर

फिलिपिन्समा विमानको आपत्कालीन अवतरण, सबै सुरक्षित

इरानमाथि थप सैन्य कारबाही रोक्ने प्रस्ताव अमेरिकी सिनेटबाट अस्वीकृत