सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

मुख्यमन्त्री कार्कीद्वारा अनुगमन

२०८३ कार्तिक २०, शुक्रबार
शेयर गर्नुहोस:
फन्ट परिवर्तन गर्नुहोस: अ अ अ

विराटनगर, २० कात्तिकः कोशी प्रदेशका मुख्यमन्त्री हिक्मतकुमार कार्कीले विदुषी योगमाया हिमालयन आयुर्वेद विश्वविद्यालय निर्माण क्षेत्रको आज अनुगमन गर्नुभएको छ ।

सङ्खुवासभाको खाँदबारी नगरपालिका–९ मा रहेको जग्गाको स्थलगत अवलोकन गर्दै उहाँले आगामी दिनमा विश्वविद्यालयमा गर्न सकिने कामका विषयमा समेत छलफल गर्नुभएको मुख्यमन्त्री कार्कीका प्रेस सल्लाहकार विक्रम लुइँटेलले जानकारी दिनुभयो ।

अनुगमनपछि जिल्ला समन्वय समितिको कार्यालयमा विश्वविद्यालयको गुरुयोजनाबारे प्रस्तुति तथा छलफलसमेत भएको जानकारी दिइएको छ ।

मुख्यमन्त्री कार्कीले विशिष्ट प्रकृतिको उक्त विश्वविद्यालयलाई संसारकै उत्कृष्ट विश्वविद्यालयका रूपमा विकास गर्न सकिने बताउनुभयो । उहाँले विश्वविद्यालयलाई यथाशक्य शीघ्र सञ्चालनमा ल्याउन प्रदेश सरकारले आफ्नो सीमित स्रोतसाधनले भ्याएसम्म सहयोग गर्ने प्रतिबद्धता व्यक्त गर्नुभयो ।

विश्वविद्यालयका लागि खाँदबारी नगरपालिका–९ र भोजपुरको षडानन्द नगरपालिका–६ मा गरी ४१६ रोपनी जग्गा उपलब्ध रहेको छ । उक्त जग्गामा भौतिक संरचना निर्माणको काम यसै वर्ष सुरु गर्ने गरी तयारी गरिएको छ ।

विश्वविद्यालयको कामलाई अगाडि बढाउन बृहत् गुरुयोजनासमेत निर्माण गरिसकिएको विश्वविद्यालयका अध्यक्ष तथा प्रतिनिधिसभा सदस्य अर्जुनबहादुर कार्कीले जानकारी दिनुभयो ।

उक्त विश्वविद्यालय स्थापना नेपालको मौलिक चिकित्सा पद्धति आयुर्वेद, योग, ध्यान, हिमाली चिकित्सा, जडीबुटी तथा वैकल्पिक चिकित्साको अध्ययन, अध्यापन र अनुसन्धानलाई प्रवर्द्धन गर्ने उद्देश्यले गरिएको हो । विश्वविद्यालयको नाम समाज सुधारक एवं महिला अधिकारकी अग्रणी अभियन्ता तथा क्रान्तिकारी योगमाया न्यौपानेको सम्मानमा राखिएको हो ।

उहाँको जन्म भोजपुरमा भएको थियो । तत्कालीन राणा शासनको समयमा पनि सामाजिक विभेद, अन्याय, कुरीति र लैङ्गिक असमानताविरुद्ध उहाँले सशक्त आवाज उठाउनुभएको थियो । उहाँको सामाजिक सुधारको अभियान र त्यागलाई राष्ट्रिय रूपमा सम्मान गर्ने उद्देश्य पनि विश्वविद्यालय स्थापनासँग जोडिएको छ ।

विश्वविद्यालय स्थापनाको अवधारणा आर्थिक वर्ष २०७०÷०७१ देखि अघि बढाइएको थियो भने आर्थिक वर्ष २०७३÷०७४ को सरकारको नीति तथा कार्यक्रममा विश्वविद्यालय स्थापनाको विषय समावेश गरिएको थियो ।

विसं २०७९ साउन २८ गते योगमाया आयुर्वेद विश्वविद्यालय ऐन, २०७९ जारी भएपछि विश्वविद्यालय स्थापनाले औपचारिक कानुनी आधार प्राप्त गरेको छ ।

विश्वविद्यालयको केन्द्रीय कार्यालय सङ्खुवासभाको खाँदबारी नगरपालिका–९, तुम्लिङटारमा छ । सरकारले उक्त विश्वविद्यालयका पदाधिकारी नियुक्त गरी कामलाई अगाडि बढाएको छ ।

उक्त विश्वविद्यालय नेपालको मौलिक ज्ञान, परम्परागत चिकित्सा प्रणाली र आधुनिक अनुसन्धानलाई एकीकृत गर्ने राष्ट्रिय महत्वपूर्ण शैक्षिक संस्था भएको कोशी प्रदेश सरकारका आर्थिक मामिला तथा योजनामन्त्री विदुरकुमार लिङ्थेपले जानकारी दिनुभयो ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

मधेशमा सरकार गठन अन्योलमा, कांग्रेस–एमाले–नेकपाले मागे समय

नेपाल टेलिकमलाई सञ्चारमन्त्रीको प्रश्न: ‘टावर छ, नेटवर्क छैन, किन ?’

‘स्थानीय स्रोतको उपयोगबाट समृद्धि र रोजगारी सिर्जना गर्न सकिन्छ’

संविधानको मर्म बमोजिम स्थानीय तह र प्रदेशसभाको निर्वाचन हुन्छ: आयोग

‘प्रधानमन्त्री शाहको भारत भ्रमण आपसी सम्बन्ध विस्तार र आर्थिक गतिविधिमा केन्द्रित हुने’

स्थानीय र प्रदेशसभा निर्वाचन एकैपटक गर्न दलहरूसँग परामर्श

यस्ता छन् आजको मन्त्रिपरिषद्का निर्णय

निर्वाचन तयारीबारे प्रमुख दलका शीर्ष नेतासँग परामर्श

प्रधानमन्त्री शाह भारतको राजकीय भ्रमणमा आइतबार नयाँदिल्ली जादै

प्रधानमन्त्रीको भारत भ्रमणः द्विपक्षीय हित र सम्बन्ध विस्तारमा केन्द्रित हुन पूर्वपरराष्ट्रमन्त्रीहरूको सुझाव

नेपाल–नर्वे जलवायु सहकार्य सुदृढ बनाउनबारे छलफल

प्रधानमन्त्री शाहको भारत भ्रमणबारे छलफल गर्न आज मन्त्रिपरिषद् बैठक बस्दै