सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

इरानसँग युद्धविरामका लागि पाकिस्तानको पहल

२०८३ मंग्सिर १, मंगलबार
शेयर गर्नुहोस:
फन्ट परिवर्तन गर्नुहोस: अ अ अ

इस्लामावाद, १ मङ्सिर (रासस/एएफपी): अमेरिका र इरानबीच युद्ध अन्त्य गर्ने प्रयास भइरहेका बेला पाकिस्तानी सेना प्रमुख असीम मुनीरले इरानी विदेशमन्त्री अब्बास अराघचीसँग क्षेत्रीय शान्ति र सुरक्षाबारे छलफल गर्नुभएको छ ।

पाकिस्तानी सेनाका अनुसार सोमबार भएको भेटमा क्षेत्रीय सुरक्षा र भूराजनीतिक घटनाक्रमबारे छलफल भएको थियो । सेना प्रमुख मुनीरले शान्ति र स्थिरताका लागि दुवै देशबीच निरन्तर संवाद र समन्वय आवश्यक रहेको बताउनुभएको थियो ।

पाकिस्तान भ्रमणमा रहनुभएका अराघचीसँग विदेशमन्त्री इशाक दारले पनि छलफल गर्नुभएको थियो । दारका अनुसार इरानले हर्मुज जलघाँटी पुनः खोल्न दुई दिनको प्रस्ताव अघि सारेको छ । अमेरिकाले त्यसबारे प्रतिक्रिया दिएको छैन ।

पाकिस्तानले यसअघि जुनमा अमेरिका र इरानबीच अस्थायी युद्धविराम गराउन मध्यस्थता गरेको थियो । तर, दुवै पक्षले एकअर्कालाई सहमति उल्लङ्घन गरेको आरोप लगाएपछि युद्धविराम भङ्ग भएको थियो । त्यसयता पाकिस्तान र कतारले युद्धविराम पुनः कायम गराउन कूटनीतिक प्रयास गर्दै आएका छन् ।

अमेरिका र इजरायलले फेब्रुअरी २८ मा इरानमाथि आक्रमण गरेपछि सुरु भएको युद्धमा इरानले खाडी क्षेत्रमा रहेका अमेरिकी सहयोगी मुलुकलाई लक्षित गरी जवाफी आक्रमण गरेको थियो । यसले मध्यपूर्वमा हिंसा चर्काउनुका साथै विश्वव्यापी ऊर्जा मूल्य बढाएको थियो ।

युद्ध अन्त्यका लागि इरानले विदेशमा रोक्का गरिएका आफ्ना सम्पत्ति फुकुवा, प्रतिबन्धमा राहत र इरानी बन्दरगाहमाथिको अमेरिकी नौसैनिक नाकाबन्दी हटाउनुपर्ने सर्त राखेको छ ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

आर्थिक आत्मनिर्भरता र पारिवारिक जीवन सुरु गर्न युवालाई चुनौती बढ्दै : राष्ट्रसङ्घीय प्रतिवेदन

रोहिङ्ग्याको न्यायको आशा, घर फर्कने प्रतीक्षा

जीवाश्म इन्धनमा विवादले जलवायु वार्ता अन्योलमा

मुद्रास्फीति बढेपछि श्रीलङ्काले ब्याजदर बढायो

इरानको चेतावनी : सर्त मान, नत्र युद्धको सामना गर

इरानमाथि सैन्य कारबाही अपरिहार्य भएको नेतान्याहुको दाबी

युक्रेनलाई नेटोसरह सुरक्षा ग्यारेन्टी दिन रुस सहमत हुने कुशनरको विश्वास

एआईको नियन्त्रण केही प्रविधि कम्पनीको हातमा सीमित हुनु चिन्ताजनक : राष्ट्रसङ्घ

रोहिङ्ग्यामाथि म्यान्माले नरसंहार गरेको अन्तर्राष्ट्रिय अदालतको ठहर

चीन, अमेरिका र रुसद्वारा ‘शान्ति घोषणापत्र’ जारी

चीनद्वारा ‘शिजियान–२४’ भूउपग्रह सफलतापूर्वक प्रक्षेपण

इमरानको सुरक्षाका लागि छोराको विश्व समुदायसँग अपिल