सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

आइजिपी पुनर्बहालीको माग गर्दै कार्कीको रिट, न्यायाधीश पौडेलको इजलासमा सुनुवाइ हुँदै

२०८३ मंग्सिर २, बुधबार
शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौं । प्रहरी महानिरीक्षक (आइजिपी) पदमा पुनर्बहालीको माग गर्दै दानबहादुर कार्कीले दायर गरेको रिट निवेदनमाथि आज सर्वोच्च अदालतमा सुनुवाइ हुँदैछ।

रिट निवेदनको सुनुवाइका लागि न्यायाधीश श्रीकान्त पौडेलको इजलासमा पेसी तोकिएको छ। कार्कीले कात्तिक २० गते सर्वोच्च अदालतमा रिट दायर गरेका थिए। त्यसको सुनुवाइका लागि सोमबार पेसी तोकिए पनि छठ पर्वको अवसरमा सरकारले सार्वजनिक बिदा दिएपछि सुनुवाइ हुन सकेको थिएन।

तिहार र छठ पर्वको बिदापछि सरकारी कार्यालय सञ्चालनमा आएसँगै सर्वोच्चले बुधबारका लागि पेसी तोकेको हो। कात्तिक १८ गते बसेको मन्त्रिपरिषद् बैठकले कार्कीलाई प्रहरी महानिरीक्षक पदबाट हटाएर प्रधानमन्त्रीको सुरक्षा सल्लाहकार नियुक्त गर्ने निर्णय गरेको थियो।

सरकारले उनको स्थानमा मनोज केसीलाई नयाँ प्रहरी महानिरीक्षक नियुक्त गरेको थियो। तर, कार्कीले प्रधानमन्त्रीको सुरक्षा सल्लाहकारको नियुक्ति नलिई सरकारको निर्णयविरुद्ध सर्वोच्च अदालतमा रिट दिएका थिए ।

उनले आफूलाई आइजिपी पदबाट हटाउने निर्णय संविधान, कानुन र सर्वोच्च अदालतका नजिरविपरीत रहेको दाबी गरेका छन्। कुनै कानुनी आधार र निर्धारित कार्यविधिबिना स्पष्टीकरण सोध्ने वा आफ्नो कुरा राख्ने अवसरसमेत नदिई आफूलाई कमान्ड र जिम्मेवारीबाट अलग गरिएको कार्कीको रिटमा उल्लेख छ। उनले आफूलाई आइजिपी पदमा पुनर्बहाली गर्न माग गरेका छन्।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

मधेशमा सरकार गठन अन्योलमा, कांग्रेस–एमाले–नेकपाले मागे समय

नेपाल टेलिकमलाई सञ्चारमन्त्रीको प्रश्न: ‘टावर छ, नेटवर्क छैन, किन ?’

‘स्थानीय स्रोतको उपयोगबाट समृद्धि र रोजगारी सिर्जना गर्न सकिन्छ’

संविधानको मर्म बमोजिम स्थानीय तह र प्रदेशसभाको निर्वाचन हुन्छ: आयोग

‘प्रधानमन्त्री शाहको भारत भ्रमण आपसी सम्बन्ध विस्तार र आर्थिक गतिविधिमा केन्द्रित हुने’

स्थानीय र प्रदेशसभा निर्वाचन एकैपटक गर्न दलहरूसँग परामर्श

यस्ता छन् आजको मन्त्रिपरिषद्का निर्णय

निर्वाचन तयारीबारे प्रमुख दलका शीर्ष नेतासँग परामर्श

प्रधानमन्त्री शाह भारतको राजकीय भ्रमणमा आइतबार नयाँदिल्ली जादै

प्रधानमन्त्रीको भारत भ्रमणः द्विपक्षीय हित र सम्बन्ध विस्तारमा केन्द्रित हुन पूर्वपरराष्ट्रमन्त्रीहरूको सुझाव

नेपाल–नर्वे जलवायु सहकार्य सुदृढ बनाउनबारे छलफल

प्रधानमन्त्री शाहको भारत भ्रमणबारे छलफल गर्न आज मन्त्रिपरिषद् बैठक बस्दै