काठमाण्डौः सत्तारूढ नेपाल कम्युनिष्ट पार्टी (नेकपा)को सचिवालय सदस्य तथा संगठन विभाग प्रमुख वामदेव गौतमले अहिले आफ्नो अभिव्यक्तिका कारण चर्चामा छन् । त्यसो त बेलाबखत बेमौसमी र सार्वजनिक खपतका लागी चर्का कुरा गरेर चर्चामा आउने नेता गौतमको स्वभाव नै हो ।
राष्ट्रिय सभाको निर्वाचन नजिक आईरहेको बेला यसपटक नेता गौतमले आफु नेकपाका अध्यक्ष तथा प्रधानमन्त्री केपी शर्मा ओलीले राष्ट्रिय सभामा आउन आग्रह गरेको सरकारी सञ्चार माध्यम रासससँगको अन्तर्वातामा बताएका छन् ।
उनको यो अन्तर्वातालाइ विभिन्न अनलाइन र समाजिक सञ्जालले महत्वका साथ प्रसारण समेत गरेका छन् । तर आफुँचाही संविधान संशोधन गरी राष्ट्रियसभाबाट समेत प्रधानमन्त्री हुने अवस्था सिर्जना भएको खण्डमा मात्र राष्ट्रिय सभा सदस्यमा जाने उनको दाबी छ ।
नेता गौतमलाइ प्रधानमन्त्री बनाउने गरी नेकपाका कार्यकारी अध्यक्ष पुष्पकमल दाहाल प्रचण्डको समेत आश्वासन र सहयोग रहने नेता गौतमको दाबी रहेको छ । साँघु साप्तिकबाट ।
