सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

बालबालिका माथी हिंसा गरेको भन्दै मेटालाई ५६७ मिलियन डलर जरिवाना

२०८३ श्रावण २३, शनिबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौं, २३ साउन । न्यु मेक्सिकोका एक अमेरिकी न्यायाधीशले मेटालाई थप ५६७ मिलियन डलर तिर्न आदेश दिएका छन्।

आफ्ना प्लेटफर्महरूले बालबालिका माथि निम्त्याउने खतराहरूबारे सर्वसाधारणलाई सचेत गराउन असफल भएकोमा यो जरिवाना तोकिएको हो, बालबालिकाको सुरक्षासम्बन्धी विषयमा कम्पनी माथि लगाइएको यो अहिलेसम्मकै ठूलो जरिवाना हो।

न्यायाधीश ब्रायन बिडस्चिडले यस सामाजिक सञ्जाल कम्पनीलाई वायु प्रदूषणजस्तै ‘सार्वजनिक उपद्रव’को संज्ञा दिँदै कम्पनीले उक्त रकम भविष्यमा हुने हानि न्यूनीकरण गर्ने उद्देश्यले स्थापना गरिएको कोषमा जम्मा गर्नुपर्ने बताए।

बिहीबारको यो फैसला यस अघि सोही मुद्दामा मेटालाई तिर्न आदेश दिइएको ३७५ मिलियन डलरको जरिवानाभन्दा अतिरिक्त हो, जसले गर्दा कुल जरिवाना रकम ९४२ मिलियन डलर पुगेको छ।

न्यायाधीश बिडस्चिडले मेटाको तुलना एउटा कारखानासँग गरे, जसका उत्पादनहरू विज्ञापन र सामग्री हुन् भने बालबालिकामा पर्ने मनोवैज्ञानिक असर र उनीहरूको हुने यौन शोषण चाहिँ न्यूनीकरण गर्नुपर्ने प्रदूषण हुन्।

इन्स्टाग्राम, फेसबुक, ह्वाट्सएप र थ्रेड्सको स्वामित्व तथा सञ्चालन गर्ने कम्पनी मेटाका एक प्रवक्ताले बिहीबार भने, ‘हामी यस फैसलासँग असहमत छौं र यस विरुद्ध पुनरावेदन गर्नेछौं।’

‘हामी आफ्ना प्लेटफर्महरूमा मानिसहरूलाई सुरक्षित राख्न कडा मेहनत गर्छौं र गलत नियत भएका व्यक्ति तथा हानिकारक सामग्रीको पहिचान गरी हटाउने क्रममा आउने चुनौतीहरूबारे पारदर्शी रहँदै आएका छौं,’ उनीहरूले भने, ‘अनलाइनमा किशोरकिशोरीहरूको सुरक्षा गर्ने हाम्रो कार्यसम्पादनप्रति हामी विश्वस्त छौं र तथ्यहरूलाई गलत ढंगले प्रस्तुत गर्ने दाबीहरूको प्रतिवाद गरिरहनेछौं।’

यस मुद्दामा यसअघि सुनाइएको ३७५ मिलियन डलरको फैसलाका सम्बन्धमा पनि मेटाले पुनरावेदन गर्ने मनसाय व्यक्त गर्दै यस्तै किसिमको स्पष्टीकरण दिएको थियो। बालबालिकाको सुरक्षासम्बन्धी विषयमा कुनै राज्यले मेटाविरुद्ध मुद्दा जितेको यो पहिलो घटना थियो।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

डिजिटल सुरक्षा र साक्षरता अभिवृद्धि सरकारको प्राथमिकतामाः सञ्चारमन्त्री डा तिमिल्सिना

टेलिफोन पहुँचबाट वञ्चित हुनुपर्ने अवस्थाको चाँडै अन्त्य हुन्छः सञ्चारमन्त्री डा तिमिल्सिना

इन्टरनेट सेवा प्रदायकलाई दूरसञ्चार प्राधिकरणको निर्देशन

गोपनीयता उल्लंघनको आरोपमा फेसबुकलाई इटालीकाे ८८० मिलियन डलर जरिवाना

नेपाल टेलिकमले ३० एमबीपीएस फाइबर र मेस एपी अफरको अवधि थप्यो

विपद्पछिको सञ्चार पूर्वाधार पुनर्निर्माणमा अन्तरराष्ट्रिय सहयोग आवश्यक छ : मन्त्री तिमिल्सिना

नेपाल टेलिकमको खरिद प्रक्रियाबारे भ्रमपूर्ण समाचार नफैलाउन आग्रह

बाजुरामा इन्टरनेट र टेलिफोन सेवा अवरुद्ध

प्रेस स्वतन्त्रता अक्षुण्ण राख्दै आमसञ्चार क्षेत्रलाई व्यवस्थित बनाउनुपर्छः मन्त्री डा तिमिल्सिना

सूचना प्रविधि प्रयोगशाला

सामाजिक सञ्जालबाटै करोडौँ आम्दानी

एनटी फाइबरको प्याकेजमा ग्राहकको आकर्षण, अनलाइनबाटै सेवा लिन सकिने