सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

१६० रुपैयाँमा अब घरैमा आइपुग्छ नेपाल टेलिकमको सिम, कसरी दिने अनलाइन आवेदन ?

२०८३ असोज ३०, शुक्रबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौं । नेपाल टेलिकमले ग्राहकलाई काउन्टरसम्म नपुगी अनलाइन आवेदनमार्फत नयाँ प्रिपेड फिजिकल सिमकार्ड हुलाकबाट घरमै उपलब्ध गराउने गरी ‘हुलाक सिम सेवा’ सुरु गरेको छ । सूचना तथा सञ्चारमन्त्री डा. विक्रम तिमिल्सिनाले एक कार्यक्रमका बीच सो सेवाको आरम्भ गरेका हुन् ।

उद्घाटनका क्रममा नेपाल टेलिकमकी प्रबन्ध निर्देशक संगीता पहाडी (अर्याल) र हुलाक सेवा विभागकी महानिर्देशक मनमायाँ भट्टराई पङ्गेनीले पहिलो ग्राहकका रूपमा मन्त्री तिमिल्सिनालाई सिमकार्ड हस्तान्तरण गरेका थिए । सो अवसरमा मन्त्री तिमिल्सिनाले यस सेवाको दायरा विस्तार गर्न निर्देशन दिँदै आगामी दिनमा बाँकी सरकारी सेवाहरू समेत पूर्ण रूपमा अनलाइनमार्फत प्रवाह गरी नागरिकलाई सहज बनाउनुपर्नेमा जोड दिए ।

सञ्चार मन्त्रालयका सचिव एवम् टेलिकम सञ्चालक समितिका अध्यक्ष राजेन्द्र कुमार पौडेलले नयाँ पुस्ताको आवश्यकता सम्बोधन गर्न सरकारी निकायहरूबिचको यस्तो सहकार्यलाई थप विस्तार गर्नुपर्ने बताए ।

त्यस्तै, प्रबन्ध निर्देशक पहाडीले कार्यालय र डिलरमा सीमित सेवा अब ग्राहकको घरसम्म पुग्ने र सडक सञ्जाल नभएका ग्रामीण क्षेत्रमा समेत सेवा पुर्‍याउन मद्दत पुग्ने बताइन् ।

हुलाक महानिर्देशक पङ्गेनीले ग्रामीण भेगमा टेलिकमका सेवा पुर्‍याउन हुलाक संयन्त्र प्रभावकारी हुने उल्लेख गर्दै आगामी दिनमा अन्य सेवामा पनि सहकार्य गर्न सकिने धारणा राखिन् ।

यस्तो छ आवेदन, शुल्क र डेलिभरी प्रक्रिया

यो सेवा लिनका लागि ग्राहकले टेलिकमको वेबसाइट (esim.ntc.net.np) मा रहेको ‘Postal SIM Portal’ मा प्रवेश गरी व्यक्तिगत विवरण दर्ता गर्नुपर्नेछ । फाराम भर्दा पूरा नाम, जन्ममिति, ठेगाना, नजिकको ल्यान्डमार्क खुलाउनुका साथै आफ्नो फोटो र नागरिकता वा राहदानीको दुवैतर्फको स्पष्ट प्रतिलिपि अपलोड गर्नुपर्नेछ । त्यसपछि नजिकको टेलिकम काउन्टर छनोट गरी आवेदन पेस गर्न सकिनेछ ।

पेस गरिएको कागजात टेलिकमले जाँच गरेपछि त्यसको जानकारी एसएमएसमार्फत दिइनेछ । विवरण त्रुटिपूर्ण भए सच्याउन सकिनेछ भने स्वीकृत भएमा भुक्तानी प्रक्रिया खुल्नेछ ।

ग्राहकले सिमबापत ९० रुपैयाँ र हुलाक डेलिभरी शुल्कबापत ७० रुपैयाँ गरी कुल १६० रुपैयाँ जुनसुकै डिजिटल वालेट, मोबाइल बैंकिङ वा ‘नमस्ते पे’ मार्फत भुक्तानी गर्न सक्नेछन् ।

रकम भुक्तानी भएपछि टेलिकमले ग्राहकको नयाँ मोबाइल नम्बर तय गरी एसएमएस र ईमेलमार्फत डेलिभरी कन्फर्मेसन तथा एक्टिभेसन कोड पठाउनेछ । त्यसपछि नजिकको हुलाक कार्यालयमार्फत सिम ग्राहकको ठेगानामा पठाइनेछ, जसलाई अनलाइनबाटै ट्र्याकिङ गर्न सकिने सुविधा दिइएको छ ।

हुलाक कर्मचारीले घरमा सिम ल्याइदिँदा ग्राहकले आफ्नो विवरण प्रमाणित गराउनुपर्नेछ । सिम प्राप्त भएपछि पोर्टलमा लगइन गरेर प्राप्त एक्टिभेसन कोड प्रविष्ट गरी वा सोही सिमबाट *1414# डायल गरी सेवा एक्टिभेट गर्न सकिने टेलिकमका प्रवक्ता डा. कमल लामिछानेले जानकारी दिएका छन् ।टेकपाना

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

डिजिटल सुरक्षा र साक्षरता अभिवृद्धि सरकारको प्राथमिकतामाः सञ्चारमन्त्री डा तिमिल्सिना

टेलिफोन पहुँचबाट वञ्चित हुनुपर्ने अवस्थाको चाँडै अन्त्य हुन्छः सञ्चारमन्त्री डा तिमिल्सिना

इन्टरनेट सेवा प्रदायकलाई दूरसञ्चार प्राधिकरणको निर्देशन

गोपनीयता उल्लंघनको आरोपमा फेसबुकलाई इटालीकाे ८८० मिलियन डलर जरिवाना

नेपाल टेलिकमले ३० एमबीपीएस फाइबर र मेस एपी अफरको अवधि थप्यो

विपद्पछिको सञ्चार पूर्वाधार पुनर्निर्माणमा अन्तरराष्ट्रिय सहयोग आवश्यक छ : मन्त्री तिमिल्सिना

नेपाल टेलिकमको खरिद प्रक्रियाबारे भ्रमपूर्ण समाचार नफैलाउन आग्रह

बाजुरामा इन्टरनेट र टेलिफोन सेवा अवरुद्ध

प्रेस स्वतन्त्रता अक्षुण्ण राख्दै आमसञ्चार क्षेत्रलाई व्यवस्थित बनाउनुपर्छः मन्त्री डा तिमिल्सिना

सूचना प्रविधि प्रयोगशाला

सामाजिक सञ्जालबाटै करोडौँ आम्दानी

एनटी फाइबरको प्याकेजमा ग्राहकको आकर्षण, अनलाइनबाटै सेवा लिन सकिने