सदाबहार खबरको रफ्तार ....
मंग्सिर ६, २०८३ आइतबार
November 22, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

हरेदी दलसँग गठबन्धन बन्ने लिबरम्यानको विश्वास

२०८३ मंग्सिर ५, शनिबार
शेयर गर्नुहोस:
फन्ट परिवर्तन गर्नुहोस: अ अ अ

तेल अभिव, ५ मङ्सिर (रासस/एएनआई):इजरायलका विपक्षी नेता अभिग्डोर लिबरम्यानले पूर्व सेना प्रमुख गदी आइसेनकोटको नेतृत्वमा बन्ने आगामी सरकारमा दुवै अति–रूढिवादी यहुदी दल (हरेदी) सहभागी हुनेमा आफू शतप्रतिशत विश्वस्त रहेको बताउनुभएको छ ।

च्यानल १२ सँग कुरा गर्दै उहाँले प्रधानमन्त्री बेन्जामिन नेतान्याहुको सरकारको आलोचना गर्नुभयो । उहाँले अमेरिकी जनमतमा इजरायलप्रतिको समर्थन राज्य स्थापना भएयताकै कमजोर अवस्थामा पुगेको दाबी गर्नुभयो ।

इरानसँग सम्भावित नयाँ सैन्य टकरावबारे उहाँले तत्काल कुनै सैन्य कारबाहीको आवश्यकता नरहेको बताउनुभयो । नेतान्याहुले राजनीतिक स्वार्थका लागि इरानसँगको तनाव उपयोग गर्न खोजेको आरोप लगाउँदै अहिले कुनै सैन्य कदम चालिए त्यो विशुद्ध राजनीतिक उद्देश्यबाट प्रेरित हुने उहाँको भनाइ थियो ।

लिबरम्यानको पछिल्लो धारणा उहाँको यसअघिको अडानभन्दा फरक छ । उहाँले पहिले हरेदी र अरब दललाई बाहिर राखेर धर्मनिरपेक्ष विपक्षी गठबन्धन बनाउनुपर्ने तथा अनिवार्य सैन्य भर्तीसम्बन्धी कानूनमा कुनै सम्झौता गर्न नहुने बताउनुभएको थियो । तर, चार विपक्षी जियोनिस्ट दलबाट मात्र सरकार गठनका लागि आवश्यक ६१ सिट जुटाउन कठिन रहेको उहाँले स्वीकार गर्नुभयो ।

अरब दलको समर्थनमा अल्पमतको सरकार बनाउने विकल्पलाई भने उहाँले अस्वीकार गर्नुभयो । त्यस्तो प्रयासले अन्ततः नेतान्याहुलाई ७० सिटसहित पुनः सत्तामा फर्काउने उहाँको तर्क छ । बरु सास र संयुक्त तोराह यहुदी धर्म पार्टीसँग सहकार्य गरेर सरकार गठन गर्नुपर्ने उहाँको धारणा छ । हरेदी नेताहरूसँग प्रत्यक्ष वार्ता नभए पनि दुवै दल नयाँ सरकारमा सहभागी हुनेमा आफू विश्वस्त रहेको उहाँले बताउनुभयो ।

यसैबीच, नेतान्याहुले राष्ट्रिय एकताको सरकार गठन गर्नुपर्ने प्रस्ताव दोहो¥याउनुभएको छ । उहाँले सामाजिक सञ्जाल एक्समार्फत यहुदी जनताको राष्ट्रका रूपमा इजरायललाई स्वीकार गर्ने सबै राजनीतिक पक्षलाई सरकारमा सहभागी गराउनुपर्ने बताउनुभएको थियो । हरेदी दलसँग सहकार्य गर्ने र तोराहका विद्यार्थीहरूको हैसियतसम्बन्धी व्यवस्था आपसी सहमतिमा कानूनमार्फत टुङ्ग्याउने उहाँको भनाइ थियो ।

इजरायली राष्ट्रपति आइज्याक हर्जोगले नोभेम्बर ८ मा याशर पार्टीका नेता आइसेनकोटलाई सरकार गठनको जिम्मेवारी दिनुभएको थियो । उहाँलाई १२० सदस्यीय नेसेटमा बहुमतका लागि आवश्यक ६१ सांसदको समर्थन जुटाउन २८ दिनको समय दिइएको छ । थप १४ दिन समय बढाउन सकिने व्यवस्था छ ।

गत अक्टोबर २७ को निर्वाचनमा नेतान्याहु नेतृत्वको दक्षिणपन्थी गठबन्धनले ५३ र आइसेनकोटको चारदलीय गठबन्धनले ४८ सिट जितेका थिए । संयुक्त सूचीले ११ र रामले आठ सिट प्राप्त गरेका थिए । अरब दलहरूको समर्थनमा औपचारिक गठबन्धन बनाउन भने आइसेनकोट पक्षका नेताहरूले अस्वीकार गर्दै आएका छन् ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

भारतको मणिपुरमा विषाक्त मदिरा सेवनबाट मृत्यु हुनेको संख्या १६ पुग्यो, ६०० उपचाररत

अमेरिकी सेयर बजारमा १० प्रतिशत गिरावट, लगानीकर्तामा अनिश्चितता

नेटो इनोभेसन कोषमा क्यानडा आबद्ध, २५औँ सदस्य राष्ट्र बन्यो

इरानको आणविक नीतिमा परिवर्तनको पक्षमा छैनन् चीन र रुस : अराघची

यमन र आसपासका क्षेत्रमा बढ्दो सैन्य तनावप्रति राष्ट्रसंघको गहिरो चिन्ता

युरेनियम विवादले इरान–अमेरिका वार्ता ठप्प

जीवाश्म इन्धनमा विवादले जलवायु वार्ता लम्बियो

भारतमा दूषित मदिरा सेवनबाट ११ जनाको मृत्यु

हर्मुजमा पौडी खेलेर युद्धको असर उजागर

फिलिपिन्समा विमानको आपत्कालीन अवतरण, सबै सुरक्षित

इरानमाथि थप सैन्य कारबाही रोक्ने प्रस्ताव अमेरिकी सिनेटबाट अस्वीकृत

आर्थिक आत्मनिर्भरता र पारिवारिक जीवन सुरु गर्न युवालाई चुनौती बढ्दै : राष्ट्रसङ्घीय प्रतिवेदन