सदाबहार खबरको रफ्तार ....
मंग्सिर ६, २०८३ आइतबार
November 22, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

सन्तानेश्वर मन्दिर संरक्षण र पूर्वाधार विकासको पर्खाइमा

२०८३ मंग्सिर ६, आइतबार
शेयर गर्नुहोस:
फन्ट परिवर्तन गर्नुहोस: अ अ अ

नेपालगन्ज (बाँके), ६ मङ्सिर: बाँकेको नरैनापुर गाउँपालिका–५ स्थित सन्तानेश्वर महादेव मन्दिर धार्मिक तथा पर्यटकीय सम्भावना बोकेको स्थल भए पनि आवश्यक संरक्षण र पूर्वाधार विकासको अभावमा ओझेलमा परेको छ ।

हरियाली वनजङ्गल र पहाडको मनोरम दृश्यले घेरिएको यस मन्दिरमा शिवरात्रि, तीजलगायत धार्मिक पर्वमा भक्तजनको उल्लेख्य उपस्थिति हुने गरेको छ । बाँकेसहित छिमेकी जिल्लाबाट समेत श्रद्धालु आउने यस मन्दिरलाई धार्मिक पर्यटकीय गन्तव्यका रूपमा विकास गर्न सकिने सम्भावना भए पनि आवश्यक पूर्वाधार र प्रचारप्रसार हुन नसकेको स्थानीयको गुनासो छ ।

मन्दिरसम्म पुग्ने सडक सहज नहुनुका साथै खानेपानी, शौचालय र विश्रामस्थलजस्ता आधारभूत सुविधाको अभावले भक्तजन तथा पर्यटकलाई समस्या हुने गरेको छ । मन्दिरको धार्मिक महत्व र बढ्दो आकर्षणलाई ध्यानमा राखेर संरक्षण तथा पूर्वाधार विकासमा लगानी गर्नुपर्ने स्थानीय युवा विनय दीक्षितले बताउनुभयो ।

स्थानीय युवा रामलाल यादवले धार्मिक आस्था र प्राकृतिक सौन्दर्यका कारण मन्दिरमा आउनेको आकर्षण बढ्दै गए पनि संरक्षण र व्यवस्थापनमा अपेक्षित ध्यान पुग्न नसकेको बताउनुभयो । सम्बन्धित निकायले समयमै ध्यान दिए यो क्षेत्र एसियाकै आकर्षक धार्मिक पर्यटकीय गन्तव्य बन्न सक्ने उहाँको भनाइ छ ।

पर्यटन व्यवसायी श्रीराम सिग्देलले मन्दिरको प्राकृतिक वातावरण, आध्यात्मिक शान्ति र धार्मिक इतिहासलाई समेटेर पर्यटनमैत्री पूर्वाधार निर्माण गर्नुपर्ने बताउनुभयो । यसो गर्न सके आन्तरिक तथा बाह्य पर्यटक आकर्षित हुनुका साथै स्थानीयस्तरमा रोजगारी सृजना र आर्थिक गतिविधि विस्तारमा सहयोग पुग्ने उहाँको भनाइ छ ।

स्थानीयले मन्दिरको संरक्षण तथा विकासका लागि प्रदेश र स्थानीय सरकारलगायत सम्बन्धित निकायसँग आग्रह गर्दै आएका छन् । स्थानीय रमेश मौर्यले मन्दिर परिसरको स्तरोन्नति, पहुँच मार्ग सुधार, खानेपानी तथा विश्रामस्थल निर्माण र धार्मिक एवं सांस्कृतिक कार्यक्रमको प्रवर्द्धनमा ध्यान दिनुपर्ने बताउनुभयो ।

मन्दिर धार्मिक आस्था, इतिहास र सांस्कृतिक पहिचानसँग जोडिएको सम्पदा भएकाले यसको संरक्षण र विकासले नरैनापुरमात्र नभई समग्र बाँके जिल्लाको पर्यटन प्रवर्द्धनमा योगदान पुग्ने उहाँको भनाइ छ ।

नरैनापुर गाउँपालिकाका अध्यक्ष इश्तियाक अहमद शाहले मन्दिरको संरक्षण, व्यवस्थापन र विकासका लागि गाउँपालिकाले निरन्तर पहल गर्दै आएको बताउनुभयो । सन्तानेश्वर महादेव मन्दिरलाई बाँकेको प्रमुख धार्मिक तथा पर्यटकीय गन्तव्यका रूपमा स्थापित गर्ने सम्भावना रहेको उल्लेख गर्दै उहाँले यसलाई व्यवस्थित र आकर्षक बनाउन प्रदेश तथा सङ्घीय सरकारले पनि विशेष ध्यान दिनुपर्ने बताउनुभयो ।

धार्मिक आस्था, प्राकृतिक सौन्दर्य र सांस्कृतिक महत्व बोकेको यस मन्दिरको व्यवस्थित विकास हुनसके नरैनापुरको पर्यटन पहिचान स्थापित गर्न र स्थानीय अर्थतन्त्र चलायमान बनाउन सहयोग पुग्ने अपेक्षा गरिएको छ ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

आज आईतबार कस्तो रहने छ तपाईको दिन ? हेर्नुहोस् राशिफल

मिथिलामा ‘लबान’ को लहर

नेपाललाई वैदिक ज्ञान र धार्मिक पर्यटनको केन्द्र बनाउनुपर्छः स्वामी कमलनयनाचार्य

आज शनिबार, कस्तो रहला तपाईको दिन ? हेर्नुहोस् राशिफल

पाल्पाको सत्यवती मेला आजदेखि सुरु

चाँगुनारायण मन्दिरमा बिहानैदेखि भक्तजनको घुइँचो

हरिबोधनी एकादशीमा तुलसी विवाह, चतुर्मास सकिएसँगै शुभकार्य सुरु

आस्था र परम्पराको सङ्गम लड्केश्वर मेला

कार्तिक शुक्ल एकादशीः तुलसी–दामोदरको विधिपूर्वक विवाह गरिँदै

आज शुक्रबार, कस्तो छ तपाईंको राशिफल?

आजको राशिफल : १२ राशिमध्ये कसलाई मिल्दैछ भाग्यको साथ, कसलाई रहनुपर्ला सावधान ?

आज कुष्माण्ड नवमी