सदाबहार खबरको रफ्तार ....
मंग्सिर ६, २०८३ आइतबार
November 22, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

साहित्यकारले विकृतिमाथि प्रश्न उठाउँदै सकारात्मक प्रयासलाई प्रोत्साहन गर्नुपर्छ : सभामुख अर्याल

२०८३ मंग्सिर ६, आइतबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ, ६ मङ्सिर : सभामुख डोलप्रसाद अर्यालले जनताको अपेक्षा र विश्वासलाई आत्मसात गर्दै राजनीतिक नेतृत्वले इमानदारिता, प्रतिबद्धता र जवाफदेहिताका साथ कार्यसम्पादन गर्नुपर्ने आवश्यकता औँल्याउनुभएको छ ।

बाह्रखरी कथा लेखन प्रतियोगिताका विजेता घोषणा कार्यक्रमलाई सम्बोधन गर्दै उहाँले भ्रष्टाचार र अनियमितताको अन्त्य तथा सुशासन स्थापित गर्नु आजको प्रमुख आवश्यकता भएको बताउनुभयो ।

“हामीसँग साधन र स्रोत सीमित छन् । जनताका सबै अपेक्षा तत्काल पूरा गर्न सम्भव नहुन सक्छ । तर उपलब्ध स्रोतको पारदर्शी, प्रभावकारी र इमानदार परिचालन गर्न सकियो भने विकास र समृद्धिको यात्रालाई गति दिन सकिन्छ”, सभामुख अर्यालले भन्नुभयो ।

साहित्यकारले समाजका विकृति र विसङ्गतिमाथि प्रश्न उठाउनुका साथै सकारात्मक प्रयास र असल अभ्यासलाई पनि प्रोत्साहन गर्नुपर्नेमा उहाँको जोड थियो ।
सभामुख अर्यालले समाजका वास्तविक समस्या र नागरिकका भावनालाई साहित्यले जीवन्त रूपमा प्रस्तुत गर्ने भएकाले जनप्रतिनिधि तथा नीति निर्माताले पनि साहित्यको अध्ययन गर्नुपर्ने बताउनुभयो ।

उहाँले भन्नुभयो, “समाजले भोगेका दु:ख, सुख, सङ्घर्ष, अभाव, विकृति, विसङ्गति र परिवर्तनका आकांक्षालाई बुझ्ने सबैभन्दा सशक्त माध्यम साहित्य हो । कुनै सहरलाई माथिबाट हेर्दा त्यसको समग्र स्वरूप देखिएझै साहित्यको अध्ययनबाट समाजको वास्तविक अवस्था र चरित्र बुझ्न सकिन्छ ।”

‘डिगो १२खरी कथा प्रतियोगिता, २०८३’ मा चेतनाथ आचार्यद्वारा लिखित ‘भोटेकोशीको सुसाहट’ शीर्षकको कथा प्रथम भएको छ । कार्यक्रममा सभामुख अर्यालले प्रथम स्थान हासिल गरेका आचार्यलाई रु दुई लाख पुरस्कार प्रदान गर्नुभयो ।

यस्तै मधुर भट्टराईद्वारा लिखित ‘सपनाको अर्को रङ्ग’ शीर्षकको कथा द्वितीय र सरस्वती सरसद्वारा लिखित ‘अस्तित्वको अल्गोरिदम’ शीर्षकको कथा तृतीय भएको छ । प्रतियोगितामा दोस्रो हुनेलाई रु एक लाख र तृतीय हुनेलाई रु ६० हजार पुरस्कार प्रदान गरिएको थियो ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

प्रधानमन्त्री शाहको भारत भ्रमणः ‘एयर रुट’मा सहमतिको सम्भावना

प्रधानमन्त्री बालेन दिल्लीमा, राज्यमन्त्री जितिन प्रसादले गरे स्वागत

उर्जामन्त्री विराजभक्त श्रेष्ठलाई कार्यवाहक प्रधानमन्त्रीको जिम्मेवारी

मधेसका मुख्यमन्त्रीले लिनुभयो शपथ

कुहिरो र सूर्योदय हेर्न मानुङकोट

भौगर्भिक सम्मेलनद्वारा प्राकृतिक स्रोतको दिगो व्यवस्थापनमा जोड

प्रधानमन्त्री शाह आज भारतको राजकीय भ्रमणमा जानुहुँदै

‘प्रकृति संरक्षणको नेतृत्व स्थानीय नागरिकले नै गर्नुपर्छ’

एनपिएलका आठवटै क्लबका लागि क्रिकेट रङ्गशाला निर्माण गरिनेछ : प्रधानमन्त्री

प्रधानमन्त्री शाह आइतबार भारतको राजकीय भ्रमणमा जादैँ

परराष्ट्रमन्त्री खनालसँग जापानी उपविदेशमन्त्री फुजीको शिष्टाचार भेटवार्ता

डिएलएको स्थापना दिवसमा दुई वरिष्ठ अधिवक्तासहित तीन जना सम्मानित