काठमाण्डौ: रौतहट बम काण्डमा संलग्नताको मुद्दामा पुर्पक्षका लागि थुनामा पठाइएका पूर्वमन्त्री मोहम्मद अफ्ताव आलम सोमवार नख्खु जेलमा शान्त थिए ।
नख्खु कारागारको सीआरसी ब्लक टु को दोस्रो तलामा राखिएका उनी दुई जना लागुऔषध र एकजना चोरीको कैदीसँगै राखिएका छन् ।
आलमसँगै जनकपुर बमकाण्डका अभियुक्त सञ्जयकुमार साह टक्ला पनि नख्खुमै छन् । साहले ५ जनाको ज्यान जाने गरी बम विस्फोट गराएको अभियोगमा नख्खुमा सजाय भुक्तान गरिरहेका छन् ।
आलम कारागारमा आएको दिन शनिवारदेखि नै शान्त छन् । उनलाई अन्य कैदीभन्दा आरामदायी कोठामा राखिएको छ ।
कारागारका प्रमुख सुरेन्द्र पौडेलका अनुसार उनको चालचलन शान्त रहेको छ । आलम सोमवार पनि जेलमा मान्छेहरूलाई उत्सुकताका साथ हेरिरहेका थिए । कालो हाइनेक, सेतो धोती र सफाचट जुँगामा चिटिक्क थिए ।
उनी अलिकति पनि विचलित देखिएनन् । यो खवर आजको अन्नपूर्ण पोस्टमा प्रकाशित छ ।
