सदाबहार खबरको रफ्तार ....
मंग्सिर ५, २०८३ शनिबार
November 21, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

लिफ्टसहितको आकासे पुल बन्दै

२०८३ कार्तिक १०, मंगलबार
शेयर गर्नुहोस:
फन्ट परिवर्तन गर्नुहोस: अ अ अ

ललितपुर, कात्तिक १० गते । ललितपुरको कुसुन्ती हाइटस्थित चक्रपथमा निर्माणाधीन लिफ्टसहितको अपाङ्गतामैत्री आकासे पुलको काम अन्तिम चरणमा पुगेको छ । मुलुककै पहिलो मानिएको सो अपाङ्गतामैत्री आकासे पुल बढीमा अबको डेढ महिनाभित्र सञ्चालनमा आउने गरी तीव्र गतिमा काम भइरहेको छ ।

ललितपुर महानगरका नगरप्रमुख चिरीबाबु महर्जनले ललितपुर महानगरपालिकाको पहल र लगानीमा निर्माण भइरहेको सो पुल बढीमा अबको डेढ महिनाभित्र सञ्चालनमा आउने जानकारी दिनुभयो । उहाँले भन्नुभयो, “यो पुल अपाङ्गतामैत्री भएको हुनाले पुलको उद्घाटन अपाङ्गता भएका भाइबहिनीबाट गरिने छ । मैले यो कुराको घोषणा पुलको शिलान्यासका बेलामा नै गरेको थिएँ ।” चक्रपथमा कुनै पनि भौतिक संरचना निर्माण गर्दा सङ्घीय सरकारको अनुमति लिनुपर्ने प्रावधानका कारण अनुमति लिने क्रममा केही ढिलो भएको र यो सङ्घीय सरकारको तत्वावधानमा निर्माण भइरहेको हो कि भन्ने लागेको महानगर प्रमुख महर्जनले स्पष्ट पार्नुभयो । ललितपुर महानगरका पूर्वाधार विभाग प्रमुख इन्जिनियर प्रदीप पौडेलले सो आकासे पुलको निर्माण ८५ प्रतिशत सम्पन्न भइसकेको जानकारी दिनुभयो । उहाँका अनुसार सडकको दुवैतर्फ लिफ्टको व्यवस्था गरिएको छ । ह्विलचेयर प्रयोगकर्ता, अपाङ्गता भएका व्यक्ति, ज्येष्ठ नागरिक, बिरामी तथा बालबालिकाले बटन थिचेर सजिलै लिफ्टमार्फत पुलमा उक्लिन र ओरालो झर्न सक्छन् ।

त्यसै गरी हिँडडुल गर्न सक्ने साधारण पैदलयात्रीका लागि परम्परागत भर्‍याङसमेत राखिएको उहाँले बताउनुभयो । बलियो र आकर्षक स्टिलको प्रयोग गरी निर्माण गरिएको यो पुलले सहरी सौन्दर्यलाई पनि थप व्यवस्थित बनाएको उहाँको भनाइ छ ।

यो पुल सञ्चालनमा आएपछि सो क्षेत्रको सडक दुर्घटनामा उल्लेखनीय कमी आउने र सडक वारपार गर्न अत्यन्त सहज हुने इन्जिनियर पौडेलले बताउनुभयो । चक्रपथ विस्तारसँगै जथाभाबी बाटो काट्ने क्रममा दुर्घटना भई सो क्षेत्रमा धेरै मानवीय क्षति हुन थालेपछि स्थानीयवासीको मागबमोजिम सो आकासे पुलको निर्माण सुरु गरिएको हो ।

करिब चार करोड ६८ लाख रुपियाँको लागतमा सो पुलको निर्माण भइरहेको छ । पुल २०८० फागुनदेखि निर्माण सुरु भएको थियो । सम्झौता अनुसार एक वर्षभित्र सम्पन्न गर्ने लक्ष्य राखिएको सो पुलको शिलान्यास २०८० फागुन २८ गते भएको थियो ।गोरखापत्र दैनिकबाट

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

कसको पालामा कति पैसा गयो मलेसिया?

विस्तृत शान्ति सम्झौताका दुई दशक सङ्क्रमणकालीन न्याय अधुरै

अब स्थानीय तहबाटै एकद्वार सेवा

सर्वोच्चको अन्तरिम आदेश खारेजीको माग गर्दै सर्वोच्चमै पुग्यो गण्डकी सरकार

निर्वाचन आयोगले थाल्यो तयारी

मलेसिया जाने श्रमिकसँग यसरी असुलियो दुई अर्ब

प्रधानमन्त्रीको भारत भ्रमण सफल बनाउन अन्तिम गृहकार्य

आरोहण प्रभावित हुँदा राजस्वबारे अन्योल

विकेन्द्रीकरण विस्तारको तयारीमा त्रिवि

एमालेको विशेष संकल्प : लोकतन्त्रको पुनर्बहालीदेखि पार्टी शुद्धीकरणसम्म

एमबीबीएसमा १० हजार ३२१ उत्तीर्ण, दुई हजार ७४५ सिटका लागि प्रतिस्पर्धा

ट्रम्प, सी र पुटिनबिच आज शिखर वार्ता हुँदै