सदाबहार खबरको रफ्तार ....
मंग्सिर ५, २०८३ शनिबार
November 21, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

संसद् अधिवेशन आह्वान गर्न आग्रह

२०८३ कार्तिक १८, बुधबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ, कात्तिक १८ गते । न्यायालयभित्र उठेका प्रश्नलगायतका समसामयिक विषयमा छलफलका लागि प्रतिपक्षी दलहरूले तत्काल संसद् अधिवेशनको माग गरेका छन् । प्रमुख प्रतिपक्षीसहितका दलको बैठकको साझा निष्कर्ष अनुसार प्रमुख विपक्षी दल नेपाली कांग्रेसका नेता भीष्मराज आङ्देम्बेले सभामुख डोलप्रसाद अर्याललाई भेटेर अधिवेशन आह्वानका लागि आग्रह गर्नुभएको छ ।

पछिल्लो समय न्यायाधीशमाथि न्यायिक विचलनको प्रश्न उठेको, सञ्चारगृहहरूमा प्रहरी धरपकड भएको र सरकारले अध्यादेशको समेत गृहकार्य गरेको भन्दै विपक्षी दलहरूले अधिवेशन माग गरिरहेका छन् ।

भेटपछि नेता आङ्देम्बेले भन्नुभयो, “संसद् चाँडै बोलाउनु पर्‍यो भनेर आग्रह गरेको छु । त्यो हाम्रो हिजोको निर्णयमा पनि थियो । अहिले जसरी प्रेसमाथि धरपकड भएको छ; न्यायालय, प्रहरी प्रशासन र अन्य धेरै निकायमा प्रश्न उठिरहेका छन्; यसमा छलफल आवश्यक छ । सबै विषयमा छलफल गर्न र यसलाई सहज रूपमा अवतरण गराउन संसद्बाट संवाद सुरु हुनुपर्ने जरुरी भइसक्यो ।”

आङ्देम्बेले सरकारले विचाराधीन विधेयक तथा अन्य विषयमा पनि अध्यादेशको तयारी गरिरहेको भन्दै सभामुखको ध्यानाकर्षण गराउनुभएको थियो । लोकतान्त्रिक व्यवस्थामा अध्यादेशलाई प्राथमिकता दिन हुन्न भनेर आफूले ध्यानाकर्षण गराएको उहाँले बताउनुभयो । यस्तै सुकुमवासी र बाढीपीडित परिवारलाई सरकारले उचित राहत दिन नसकेको पनि आङ्देम्बेले बताउनुभयो । सभामुख अर्यालले संसद्को अधिवेशन मङ्सिर दोस्रो सातासम्म आह्वानको तयारी भइरहेकोबारे आङ्देम्बेलाई जानकारी गराउनुभएको थियो ।

यस्तै सभामुख अर्यालसँग मङ्गलबार नै नेकपा (एमाले) संसदीय दलका तर्फबाट उपनेता पद्माकुमारी अर्याल र सांसद गुरुप्रसाद बरालले भेट गर्नुभयो । सांसद अर्यालका अनुसार भेटमा समसामयिक विषयमा ध्यानाकर्षण गराइएको छ । वैशाख २८ बाट सुरु भएको सङ्घीय संसद्को दोस्रो अधिवेशन गत असोज १७ देखि अन्त्य गरिएको थियो । गोरखापत्र दैनिकबाट

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

कसको पालामा कति पैसा गयो मलेसिया?

विस्तृत शान्ति सम्झौताका दुई दशक सङ्क्रमणकालीन न्याय अधुरै

अब स्थानीय तहबाटै एकद्वार सेवा

सर्वोच्चको अन्तरिम आदेश खारेजीको माग गर्दै सर्वोच्चमै पुग्यो गण्डकी सरकार

निर्वाचन आयोगले थाल्यो तयारी

मलेसिया जाने श्रमिकसँग यसरी असुलियो दुई अर्ब

प्रधानमन्त्रीको भारत भ्रमण सफल बनाउन अन्तिम गृहकार्य

आरोहण प्रभावित हुँदा राजस्वबारे अन्योल

विकेन्द्रीकरण विस्तारको तयारीमा त्रिवि

एमालेको विशेष संकल्प : लोकतन्त्रको पुनर्बहालीदेखि पार्टी शुद्धीकरणसम्म

एमबीबीएसमा १० हजार ३२१ उत्तीर्ण, दुई हजार ७४५ सिटका लागि प्रतिस्पर्धा

ट्रम्प, सी र पुटिनबिच आज शिखर वार्ता हुँदै