सदाबहार खबरको रफ्तार ....
मंग्सिर ६, २०८३ आइतबार
November 22, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

जस्केलाबाट ‘फ्रिक्वेन्सी’ उपलब्ध गराउन चलखेल !

२०७८ फागुण १८, बुधबार
शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौः अनुमति पाएर पनि सेवा दिन नसकेर चलिएका निजी क्षेत्रका टेलिकम कम्पनीहरूको लाइसेन्स खारेज गरी चौधरी समूहको कम्पनी ‘सिजी टेलिकम्युनिकेसन’लाई फ्रिक्वेन्सी लाइसेन्स उपलब्ध गराउन सञ्चार तथा सूचना प्रविधि मन्त्रालयले चलखेल गरिरहेको बुझिएको छ ।

उद्योगपति एवम् नेपाली काङ्ग्रेसका केन्द्रीय सदस्यसमेत रहेका विनोद चौधरीको सो कम्पनीलाई लाइसेन्स उपलब्ध गराउन दुई मन्त्रीको विशेष सक्रियता रहेको बुझिएको छ ।

चौधरी कम्पनीलाई फ्रिक्वेन्सी गराउन उपलब्ध सञ्चारमन्त्री ज्ञानेन्द्र कार्कीले विशेष सक्रियता दर्शाएका 7 भित्रभित्रै राज्यमन्त्री उमेश श्रेष्ठले ‘बिचौलिया’को भूमिका निर्वाह गरिरहेका मन्त्रालय स्रोतले जनाएको छ ।

कुनै कारणवश उल्लिखित व्यक्तिलगायत संलग्न अन्य पात्रहरूको ‘सेटिङ’ भत्किएन भने अबको केही महिनाभित्रै चौधरी समूहको सीजी टेलिकम्युनिकेसन्सले ‘आधारभूत

टेलिफोन सेवा’ को अनुमतिपत्र अर्थात् मोबाइल सर्भिस लाइसेन्स पाउने निश्चित ठानिएको छ । एमसीसीलगायत विभिन्न मुद्दाहरूमा मुलुकको ध्यान खिचिएको मौका छोपेर सिजीलाई लाइसेन्स दिलाउने कसरत भइरहेको र यस कार्यका लागि ऐननियम वा प्रावधानको समेत ख्याल नगरिएको बताइएको छ ।

सरकारका प्रवक्तासमेत रहेका सञ्चार तथा सूचना प्रविधि मन्त्री कार्की जसरी भए पनि सीजीलाई लाइसेन्स दिलाउने गृहकार्यमा रहेका र आवश्यक नियम वा प्रावधानहरू तत्काल तर्जुमा गरेर भए पनि काम छिटो सकाउन उनले मातहतका कर्मचारीहरूलाई निर्देशन दिएका छन् ।

सीजीलाई पायक पर्ने गरी सबै खालको नीतिगत बन्दोबस्त गरिसकेर एकमुस्टमा लाइसेन्ससहित फ्रिक्वेन्सी दिने मन्त्रालयको तयारी रहेको सुत्र बताउँछ । सीजीलाई लाइसेन्स दिने वातावरण बनाउन मन्त्रालयले नेपाल दूरसञ्चार प्राधिकरणसँग रायसमेत मागेको छ । समूहको लगभग पाँच वर्षअघि नै मन्त्रिपरिषद् बैठकले कानुन मिचेर सीजी टेलिकमलाई लाइसेन्स दिने निर्णय गरिसकेको विषय निकै चर्चामा आएको थियो ।

मन्त्रिपरिषदबाट हुने निर्णयमाथि अख्तियार दुरुपयोग अनुसन्धान आयोगले छानबिन गर्न नसक्ने भएकाले विद्यमान कानुनी प्रबन्धलाई कुल्चिएर मन्त्रिपरिषदबाटै सीजीलाई आधारभूत टेलिफोन सेवाको लाइसेन्स दिने निर्णय भएको थियो त्यसवेला दूरसञ्चार प्राधिकरणका अध्यक्ष दिगम्बर झाले यसका लागि चाँजोपाँजो मिलाएका थिए भने अहिले प्रधानमन्त्रीका पत्नी आरजु देउवाका विश्वासपात्र रहेका उमेश श्रेष्ठलगायत विभिन्न व्यक्तिहरू आधारभूत सेवाको पूर्वशर्त नै पालना नगरेको कम्पनीलाई लाइसेन्स दिलाउन लागिपरेका छन् ।

यसरी आफूअनुकूलको सरकार बनेका बेला उद्योगपति चौधरीले ‘पोलिसी सेटिङ’ गरेरै जस्केलाबाट लाइसेन्स हात पार्ने योजना बनाएको विषय मन्त्रालयभित्र चर्चाको विषय बनेको छ । घटना र बिचार

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

स्थानीय तहमा हुन सकेन ‘ओएनएम’

प्रधानमन्त्रीको भ्रमणलाई भारतको ‘विशेष कूटनीतिक महत्व’

लामो समयदेखि संवैधानिक पदमा रिक्तता

निजी क्षेत्रमा प्रवाहित कर्जा साढे ६० खर्ब नजिक

कसको पालामा कति पैसा गयो मलेसिया?

विस्तृत शान्ति सम्झौताका दुई दशक सङ्क्रमणकालीन न्याय अधुरै

अब स्थानीय तहबाटै एकद्वार सेवा

सर्वोच्चको अन्तरिम आदेश खारेजीको माग गर्दै सर्वोच्चमै पुग्यो गण्डकी सरकार

निर्वाचन आयोगले थाल्यो तयारी

मलेसिया जाने श्रमिकसँग यसरी असुलियो दुई अर्ब

प्रधानमन्त्रीको भारत भ्रमण सफल बनाउन अन्तिम गृहकार्य

आरोहण प्रभावित हुँदा राजस्वबारे अन्योल